Talegaon Dabhade: सांगुर्डी पाणंद रस्त्याच्या मुरुमीकरणाचे काम पूर्ण
Talegaon Dabhade: Pavement work of Sangurdi Panand road completed आता पावसाळ्यात ही बैलगाडी व ट्रॅक्टर वाहतुकीस अडचण असणार नाही. मोठी अडचण दूर झाल्याने शेतकऱ्यांमध्ये समाधानाचे वातावरण आहे.
एमपीसी न्यूज- वर्षानुवर्षे प्रलंबित असलेल्या सांगुर्डी पाणंद रस्त्याचे ग्रामपंचायतीच्या माध्यमातून मुरुमीकरण करण्यात आले आहे. सुमारे दीड किलोमीटर पाणंद रस्त्याचे मुरुमीकरण केल्याने सुमारे 80 शेतकऱ्यांचा त्रास व अडचण दूर झाली आहे. खेड तालुका राष्ट्रवादी काँग्रेसचे सरचिटणीस वसंत भसे यांच्या पुढाकारातून हे काम करण्यात आले आहे.
विशेषत: पावसाळ्यात या पाणंद रस्त्याने चिखलामुळे पायी जाणे ही कठीण होते. शेतीची अवजारे व शेतीमालाची वाहतूक डोक्यावरुनच करावी लागत असे. आता पावसाळ्यात ही बैलगाडी व ट्रॅक्टर वाहतुकीस अडचण असणार नाही. मोठी अडचण दूर झाल्याने शेतकऱ्यांमध्ये समाधानाचे वातावरण आहे.
आगामी एका वर्षाच्या आत याच पाणंद रस्त्याचे खडीकरणासह डांबरीकरण करण्यात येईल, अशी खात्री वसंत भसे व उपसरपंच उज्वला चव्हाण यांनी व्यक्त केली.
यावेळी शेतकरी शेखर भसे, गोविंद भसे, संदीप भसे, संतोष भसे, गणेश भसे, संजय भसे, रोहिदास भसे, सुनील भसे, सचिन लिंभोरे यांनी श्रमदानात सहभाग घेतला.
