Talegaon News : ‘तळेगाव दाभाडे’च्या वरिष्ठ पोलीस निरीक्षकपदी भास्कर जाधव
एमपीसीन्यूज : तळेगाव दाभाडे पोलीस ठाण्याच्या वरिष्ठ पोलीस निरीक्षकपदी भास्कर मधुकर जाधव यांची नियुक्ती करण्यात आली असून त्यांनी नुकताच या पदाचा पदभार स्वीकारला.
तळेगावचे वरिष्ठ पोलीस निरीक्षक डॉ. अमरनाथ वाघमोडे यांची गुन्हे शाखा युनिट 1 मध्ये बदली झाली आहे. त्यामुळे यांच्या रिक्त जागी पिंपरी-चिंचवड आयुक्तालयाकडून जाधव यांची नियुक्ती करण्यात आली.
भास्कर जाधव यांनी या अगोदर चतुरशृंगी पोलीस ठाणे, डेक्कन पोलीस ठाणे तसेच गुन्हे शाखा व पोलीस कल्याण विभाग येथे कार्यभार सांभाळला आहे.