आगामी “तत्ताड” चित्रपटाचं टीजर पोस्टर प्रदर्शित

(दीनानाथ घारपुरे)

एमपीसी न्यूज- राहुल गौतम ओव्हाळ लिखित आणि दिग्दर्शित ‘तत्ताड’ या आगामी चित्रपटाचं टीजर पोस्टर सोशल मीडियाद्वारे नुकतंच लाँच करण्यात आलं. अत्यंत लक्षवेधी पोस्टर असलेल्या या चित्रपटातून एका वादकाची कथा पहायला मिळणार आहे.

चंद्रभागा प्रॉडक्शन्स आणि डीके फिल्म्स एंटरटेन्मेंटच्या जीवन जाधव, प्रितम म्हेत्रे आणि डीके चेतन यांनी या चित्रपटाची निर्मिती केली आहे. अमित माने चित्रपटाचे सहनिर्माते आहेत. रोहित नागभिडे, ऐश्वर्य मालगावे यांनी चित्रपटाचं संगीत दिग्दर्शन, तर संजय नवगिरे, राहुल बेलापूरकर यांनी गीतलेखन केलं आहे.

चित्रपटाच्या टीजर पोस्टरमध्ये गडद रंगाच्या पार्श्वभूमीवर हाती क्लॅरोनेट असलेला वादक पहायला मिळतो. त्यामुळे या चित्रपटाच्या केंद्रस्थानी वादक असण्याची शक्यता आहे. चित्रपटात कलाकार कोण आहे, हे अद्याप गुलदस्त्यात ठेवण्यात आले आहे. मात्र, लक्षवेधी पोस्टरमुळे चित्रपटाविषयी उत्सुकता निर्माण झाली आहे

-MPC-BOTTOM-BANNER-I

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

.