New Guidelines : 5 ऑगस्टपासून देशात जिम आणि योगा सेंटर सुरू होणार
The gym and yoga center in the country will start from August 5 ; 1 ऑगस्टपासून अनलॉक 3 ची अंमलबजावणी सुरु
एमपीसी न्यूज : केंद्रीय गृहमंत्रालयाकडून आज नवीन मार्गदर्शक सुचना जाहीर करण्यात आल्या आहेत. त्यानुसार येत्या 1 ऑगस्टपासून अनलॉक 3 ची अंमलबजावणी सुरु होणार आहे.
त्याअंतर्गत 5 ऑगस्टपासून व्यायामशाळा आणि योग केंद्र सुरु करण्यास परवानगी देण्यात आली आहे. त्याचबरोबर रात्रीची संचारबंदीही उठविण्यात आली आहे.
Ministry of Home Affairs (MHA) issues #Unlock3 guidelines. Restrictions on the movement of individuals during night have been removed. Yoga institutes and gymnasiums will be allowed to open from August 5, 2020. pic.twitter.com/eTTJwWei0K
— ANI (@ANI) July 29, 2020
काय आहे नवीन नियमावली
* नाइट कर्फ्यू हटवण्याचा निर्णय. यामुळे रात्री फिरण्यावरील बंदी उठविण्यात आली आहे.
* योगा इन्स्टिट्यूट आणि व्यायामशाळा 5 ऑगस्टपासून सुरु करण्याची परवानगी.
* सोशल डिस्टन्सिंग आणि करोनाचा फैलाव रोखण्यासाठी आरोग्य विभागाकडून महत्त्वाचे निर्देश देण्यात येणार आहेत.
* 15 ऑगस्टला सोशल डिस्टन्सिंग आणि इतर आरोग्याशी संबंधित नियमांचं पालन करत स्वातंत्र्यदिनाचे कार्यक्रम आयोजित करण्यास परवानगी.
* राज्य आणि केंद्रशासित प्रदेशांसोबत चर्चा केल्यानंतर शाळा, कॉलेज आणि कोचिंग संस्था 31 ऑगस्टपर्यंत बंद ठेवण्याचा निर्णय.
* आंतरराष्ट्रीय प्रवाशांना वंदे भारत मिशन अंतर्गत मर्यादित प्रवासासाठी परवानगी.
* कंटेनमेंट झोनसोबत बाहेर मेट्रो रेल, सिनेमा हॉल, स्विमिंग पूल, मनोरंजन पार्क, चित्रपटगृह, बार, सभागृह बंदच राहणार
* कंटेनमेंट झोनसोबत बाहेर सामाजिक, स्पोर्ट्स, मनोरंजन, सांस्कृतिक, धार्मिक कार्यक्रमांना परवानगी नाही.
