Eknath Shinde : फक्त 5 रुपयासाठी मुख्यमंत्री एकनाथ शिंदे यांना जीवे मारण्याची धमकी???
एमपीसी न्यूज : मुख्यमंत्री एकनाथ शिंदे (Eknath Shinde) यांना ठार मारण्याचा धमकीचा फोन आल्याने संपूर्ण राज्यात एकच खळबळ उडाली. राज्याची सुरक्षा व्यवस्था सतर्क झाली होती. संपूर्ण राज्याचे टेन्शन या एका फोनने वाढलं होतं. मात्र त्यानंतर ही माहिती खोटी असल्याचे पुढे आले आणि त्यानंतर सर्वांनी सुटकेचा श्वास सोडला.
मुख्यमंत्री एकनाथ शिंदे (Eknath Shinde) यांच्यावर हल्ला करणाऱ्या कटाची माहिती देणारा फोन करणाऱ्या तरुणाला लोणावळा पोलिसांनी अटक केली. अविनाश वाघमारे असं त्याचे नाव आहे. हे सर्व करण्यामागील त्याने सांगितलेलं कारण ऐकून मात्र सर्वांना धक्काच बसला. अवघ्या पाच रुपयासाठी त्याने हे सर्व कृत्य केलं होतं.
