Today’s Horoscope 3 August 2021 : जाणून घ्या आजचे राशीफळ
एमपीसी न्यूज – आजचे पंचांग. मंगळवार 03 ऑगस्ट 2021
शुभाशुभ विचार – 13 नंतर चांगला दिवस.
आज विशेष – साधारण दिवस.
राहू काळ – दुपारी 3 ते 4.30
दिशा शूल – उत्तरेस असेल.
आजचे नक्षत्र – रोहिणी 25.44 पर्यंत नंतर मृग
नक्षत्र पाया– सुवर्ण.
चंद्र राशी – वृषभ.
_______________________
आजचे राशीभविष्य
मेष – (शुभ रंग – आकाशी)
विविध मार्गाने पैसा येईल. खर्चाचे ही विविध मार्ग खुणावतील. गृहिणी कौटुंबिक जबाबदारी हसतमुखाने पार पाडतील. आज सर्व कामे विना व्यत्यय पार पडतील. गृहसौख्य लाभेल.
वृषभ – (शुभ रंग – पांढरा)
आज तुम्ही सकारात्मक दृष्टिकोन बाळगून निस्वार्थीपणे काही कामे कराल. आजच्या कष्टांचे फळ उद्या नक्की मिळेल. विवाहित जीवनात सामंजस्य राहील. उपवरांना स्थळे सांगून येतील.
मिथुन – (शुभ रंग – मोरपिशी)
आज कार्यक्षेत्रात महत्त्वाचे निर्णय घेताना अनुभवी व्यक्तींचा सल्ला घेणे गरजेचे राहील. भागीदारीच्या व्यवसायात देण्याघेण्याच्या व्यवहारात पारदर्शकता ठेवा.
कर्क – (शुभ रंग – पिस्ता)
व्यवसायात उद्दिष्टे पूर्ण करण्यासाठी अविश्रांत कष्ट करावे लागतील. उत्पादनांचा दर्जाही वाढवावा लागणार आहे. राशीच्या लाभातून होणारे चंद्रभ्रमण अनपेक्षित पैसा मिळवून देईल.
सिंह – (शुभ रंग – डाळिंबी)
अधिकारी वर्गाचे दडपण जाणवेल. आज नाकासमोर चालणे हिताचे राहील. मित्रांनी दिलेल्या आश्वासनांवर अवलंबून राहू नका. कायदा मोडण्याचा विचार स्वप्नातही करू नका.
कन्या – (शुभ रंग – सोनेरी)
शासकीय कामे रखडतील. आज तुमचा अध्यात्मिक मार्गाकडे ओढा असेल. सत्संनाने मानसिक बळ मिळेल. आजी-आजोबांनी फक्त नातवंडात रमणे हिताचे राहील.
तुळ – (शुभ रंग – चंदेरी)
नोकरीच्या ठिकाणी आज आपल्या कामाशिवाय फार खोलात शिरू नका. मित्र आज फक्त चुकीचे सल्ले देतील. मोह टाळा. वाहन चालवत असाल तर डोके शांत ठेवा.
वृश्चिक – (शुभ रंग – सोनेरी)
समोरच्या व्यक्तीवर तुमच्या आकर्षक व्यक्तिमत्त्वाचा प्रभाव राहील. वादविवादात तुमचे मत प्रभावी राहील. जोडीदार जे म्हणेल त्यास हो म्हणून मोकळे होणे संसारिक सुखासाठी चांगले.
धनु – ( शुभ रंग – भगवा)
नोकरी-धंद्यात उत्साही वातावरण राहील. विरोधक नमते घेतील, आज तुम्हाला श्रमसाफल्याचे समाधान मिळू शकेल. काही विसरलेली येणी अनपेक्षितरीत्या वसूल होतील.
मकर – (शुभ रंग – स्ट्रॉबेरी)
कौटुंबिक स्तरावर आज काही मनासारख्या घटना घडणार आहेत. मुलांची अभ्यासातील प्रगती समाधान कारक राहील. आज काही जुन्या मित्रांच्या सहवासात सध्याकाळचा वेळ मजेत जाईल.
कुंभ – (शुभ रंग- क्रीम)
प्रॉपर्टीचे काही अपुरे व्यवहार मार्गी लागतील. वास्तू व वाहन खरेदीसाठी कर्ज मंजुरी होऊ शकेल. अनावश्यक खर्चावर मात्र नियंत्रण ठेवणे गरजेचे आहे. आज यशादायी दिवस आहे.
मीन – (शुभ रंग- मरून)
कौटुंबिक वाद असतील तर आज दुपारनंतर सुसंवादाने मिटू शकतील. दुरावलेल्या हितसंबंधात सुधारणा होईल. व्यवसायात जाहिरातीवर खर्च करावा लागेल. मुले आज अभ्यासाचा कंटाळा करतील.