Today’s Horoscope 03 March 2021 : जाणून घ्या आजचे राशीफळ
एमपीसी न्यूज - आजचे पंचांग. वार – बुधवार – 03 मार्च 2021
- शुभाशुभ विचार — उत्तम दिवस.
- आज विशेष – साधारण दिवस.
- राहू काळ -दुपारी 12.00 ते 01.30
- दिशा शूल – उत्तरेस असेल.
- आजचे नक्षत्र – स्वाती नक्षत्र.
- चंद्र राशी – तूळ.
आजचे राशीभविष्य
मेष – ( शुभ रंग- क्रीम )
आज सभा-संमेलनात तुमच्या वक्तृत्वाचा प्रभाव पडेल. जोडीदाराचे मन जपण्याचा प्रयत्न करणार आहात. ध्येयाचा पाठलाग करता करता प्रकृतीकडे दुर्लक्ष होईल. पत्नी आज महत्त्वपूर्ण सल्ले देईल.
वृषभ – ( शुभ रंग- मरून )
आज फक्त कष्ट करीत राहा. फळाची अपेक्षा मात्र उद्या करा. आज काही कंटाळवाणी कामे करावी लागणार आहेत. तब्येतीच्या बाबतीत पैशाची काटकसर करून चालणार नाही.
मिथुन – (शुभ रंग- हिरवा )
कुटुंबीयांमधील प्रेम वृद्धिंगत होईल. मुले आज अभ्यासास प्राधान्य देतील. नवीन कलाकारांची प्रसिद्धी ची हौस भागेल. आरोग्य उत्तम राहील. गृहिणी आज घर सजावटीचे मनावर घेतील.
कर्क – (शुभ रंग – पांढरा )
कोर्टकचेरीची कामे पुढे सरकतील. व्यावसायिक नवे करार यशस्वी होतील. एखाद्या अडचणीच्या प्रसंगी मातोश्री योग्य सल्ला देतील. आज परिवारास पुरेसा वेळ देण्याचा प्रयत्न कराल.
सिंह – ( शुभ रंग- स्ट्रॉबेरी )
कौटुंबिक वाढत्या गरजांमुळे जमाखर्चाचा तराजू डळमळीत होण्याची शक्यता आहे. आज कठोरपणे बोलून कोणाचे मन दुखवू नका. नोकरीच्या ठिकाणी असलेले नियम तंतोतंत पाळा.
कन्या – ( शुभ रंग – पिस्ता )
आज तुम्ही अति धावपळ टाळा. अनेक किचकट कामे आज सोपी होणार आहेत. व्यवसायात काही उत्तम संधी चालून येतील. मित्रपरिवारात तुमचा शब्द अंतिम राहील. शेजारी जरा तिरकस नजरेने बघतील.
तूळ – ( शुभ रंग – मोतिया)
आज तुम्हाला चुकीचा मार्ग दाखवणारी काही मंडळी भेटतील. योग्य निर्णय घेणे अवघड जाईल. स्वतःच्या मनावर ताबा असणे हिताचे राहील. काहीजणांना अचानक प्रवासास निघावे लागेल.
वृश्चिक – ( शुभ रंग- सोनेरी )
कंजूष पणा सोडून काही अत्यावश्यक खर्च करावेच लागतील. कर्ज हप्ते भरावे लागणार आहेत. खर्च वाढता असला तरी पैशाची कमतरता भासणार नाही. दुरावलेल्या नात्यांमधील गैरसमज दूर होतील.
धनु – (शुभ रंग -आकाशी )
कार्यक्षेत्रात प्रगतीचा आलेख चढता राहिल. आज काही हवेहवेसे वाटणारे पाहुणे घरी पायधूळ झाडतील. प्रतिष्ठितांच्या ओळखी आज कामी येतील. आज एखाद्या मित्रांस मदत कराल.
मकर – ( शुभ रंग- निळा )
दैनंदिन कामातही अडथळे येणार आहेत. आज नोकरदारांना जास्त वेळ थांबून काम उरकावे लागेल. आज हट्टीपणा सोडून इतरांचेही विचार ऐकून घ्यायची तयारी ठेवा. अधिकाराचा गैरवापर टाळा.
कुंभ – ( शुभ रंग – लाल )
आज तुमचे मानसिक संतुलन बिघडवणारे काही प्रसंग घडतील. उद्योग-धंद्यात काही अनपेक्षित अडचणींचा सामना करावा लागेल. हाताखालच्या लोकांमध्ये मिळून-मिसळून राहणे गरजेचे.
मीन – ( शुभ रंग – क्रीम )
कार्यक्षेत्रात हितशत्रू सक्रिय असल्याने आज प्रत्येक निर्णय विचारांती घ्यावा. देण्याघेण्याचे व्यवहार सावधपणे करावेत. नोकरदारांना ऑफिसमध्ये साहेबांचे व घरात पत्नीचेही मूड सांभाळावे लागतील.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
