Today’s Horoscope 1 June 2021 : जाणून घ्या आजचे राशीफळ
एमपीसी न्यूज - आजचे पंचांग वार – मंगळवार, 1 जून 2021
- शुभाशुभ विचार – अनिष्ट दिवस.
- आज विशेष – साधारण दिवस.
- राहू काळ – दुपारी 03.00 ते 04.30.
- दिशा शूल – पूर्वेस असेल.
- आजचे नक्षत्र – धनिष्ठा 16.07 पर्यंत नंतर शततारका.
- चंद्र राशी – कुंभ.
आजचे राशीभविष्य
मेष – (शुभ रंग – क्रीम)
आज दुपारनंतर विविध मार्गाने आर्थिक लाभ होणार आहेत काही कारणाने दुरावलेले आप्तस्वकीय जवळ येतील. कार्यक्षेत्रात विरोधक मैत्रीचा हात पुढे करतील.
वृषभ – (शुभ रंग – पिस्ता)
नोकरीच्या ठिकाणी जबाबदाऱ्या वाढल्या तरी बढतीच्या मार्गातील अडथळेही दूर झाल्याचे जाणवेल. तुमच्या कामातील निष्ठा व समर्पण वरिष्ठांना प्रभावित करेल.
मिथुन – (शुभ रंग – सोनेरी)
नोकरीत वरिष्ठ गोड बोलून राबवून घेतील. भावना व कर्तव्य यांचा समन्वय साधणे कठीण जाईल. वैवाहिक जीवनात जोडीदाराची मते विचारात घेणे गरजेचे आहे.
कर्क – (शुभ रंग – स्ट्रॉबेरी)
काही मनाविरुद्ध घटना मनास बेचैन करतील. वैवाहिक जीवनात संध्याकाळी क्षुल्लक मतभेद होणार आहेत पण त्यातून सामंजस्याने मार्ग निघेल. फार ताणू नका.
सिंह – (शुभ रंग – गुलाबी)
आज तुम्ही सहकुटुंब चैन व मनोरंजनास प्राधान्य द्याल. वैवाहिक जीवनात एकमत राहील. भागीदारी व्यवसायात आर्थिक व्यवहारात पारदर्शकता ठेवा.
कन्या – (शुभ रंग – पांढरा)
नोकरीच्या ठिकाणी सहकाऱ्यांशी जुळवून घेणे गरजेचे आहे. आज संध्याकाळी डॉक्टरांच्या भेटीचे योग आहेत. ज्येष्ठ मंडळांनी प्रकृतीची पथ्ये पाळावीत. गोळ्या वेळेवर घ्याव्यात.
तूळ – (शुभ रंग – भगवा)
कार्यक्षेत्रात प्रगतीचा आलेख चढता राहील. नोकरीत बदल करायचा असेल तर चांगल्या संधी चालून येणार आहेत. ब्युटी पार्लर्स व सौंदर्य प्रसाधने इत्यादी व्यवसाय तेजीत चालतील.
वृश्चिक – (शुभ रंग – मोरपिसी)
आज धंद्यातील आवक-जावक सारखीच राहील. जोडीदाराकडून आज तुमच्या अपेक्षा पूर्ण होतील. कौटुंबिक वातावरण स्नेहपूर्ण राहील. विद्यार्थ्यांची अभ्यासात एकाग्रता होईल.
धनु – (शुभ रंग – जांभळा)
आज कौटुंबिक कर्तव्य पार पाडण्यासाठी आवर्जून वेळ काढावा लागणार आहे. आज जास्तीत जास्त वेळ घराबाहेर जाईल. तरुण मंडळी जास्तीत जास्त व्हाट्सअप वर बिझी राहतील.
मकर – (शुभ रंग – निळा)
अविश्रांत मेहनतीच्या जोरावर कार्यक्षेत्रात स्वतःचे महत्त्व सिद्ध कराल. मृदू वाणीने विरोधकांची मने जिंकाल. संध्याकाळी आवडत्या व्यक्तीच्या सहवासात वेळेचे भान विसराल.
कुंभ – (शुभ रंग- आकाशी)
आज तुम्ही काहीसे बेफिकीरपणे वागाल. स्वतःचेच खरे करण्याकडे तुमचा कल राहील. आज थोडा संयम बाळगा, तुमच्या हितचिंतकांचे ही सल्ले विचारात घ्या.
मीन – (शुभ रंग – सोनेरी)
पैशाची उधळपट्टी थांबवणे गरजेचे आहे. आज दिवसाच्या उत्तरार्धात काही अती आवश्यक खर्च हात जोडून उभे राहणार आहेत. रात्रीच्या प्रवासात जागेच राहणे हिताचे राहील.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार
