Today’s Horoscope 10 August 2021 : जाणून घ्या आजचे राशीफळ
एमपीसी न्यूज - आजचे पंचांग वार – मंगळवार दि. 10 ऑगस्ट 2021
- शुभाशुभ विचार – चांगला दिवस
- आज विशेष – मंगळागौरी पूजन
- राहू काळ – दुपारी 03.00 ते 04.30.
- दिशा शूल – उत्तरेस असेल.
- आजचे नक्षत्र – मघा 09.53 पर्यंत नंतर पूर्वा फाल्गुनी.
- नक्षत्र पाया – चांदी
- चंद्र राशी – सिंह
—————————————
आजचे राशीभविष्य.
मेष – (शुभ रंग – मोतिया)
नोकरीच्या ठिकाणी आज काही कंटाळवाणी कामे करावी लागतील. बेरोजगारांची भ्रमंती चालूच राहील. वाहन वास्तु विषयी खरेदी-विक्री फायद्यातच राहील. मुलांना शिस्त लावणे गरजेचे.
वृषभ – (शुभ रंग – सोनेरी)
आज शैक्षणिक क्षेत्राशी संबंधित असलेले व्यवसाय चांगले चालतील. काही कौटुंबिक समस्यांवर लक्ष केंद्रित करावे लागेल. कलाकारांना आज निर्मात्यांचे उंबरठे झिजवावे लागतील.
मिथुन – (शुभ रंग – केशरी)
नोकरीच्या ठिकाणी बढती बदलीच्या बातम्या येतील. घराबाहेर डोके शांत ठेवलेले बरे. काही वाद-विवाद संभवतात. गृहिणींनी आज सासुबाई कडून शाबासकीची अपेक्षा अजिबात ठेवू नये.
कर्क – (शुभ रंग – हिरवा)
आज तुम्ही म्हणाल ती पूर्व असेल. आर्थिक स्थिती उत्तम असल्याने तुमची मनस्थिती ही चांगली असेल. आज आवडत्या व्यक्तीच्या सहवासात तुमची संध्याकाळ मजेत जाईल.
सिंह – (शुभ रंग – मरून)
आज तुमचा आत्मविश्वास वाढवणार्या काही घटना घडतील. एखादा जोडधंदा असेल तर त्यातून चांगली आवक होईल. देण्याघेण्याचे व्यवहार मात्र चोख ठेवावेत.
कन्या – (शुभ रंग – डाळिंबी)
आज काही दुरचे नातलग संपर्कात येणार आहेत. इम्पोर्ट एक्सपोर्टचे व्यवसाय तेजीत चालणार आहेत. आज काही देणी द्यावी लागतील. विवाह विषयक चर्चा आज नकोत.
तूळ – (शुभ रंग – चंदेरी)
जुन्या गुंतवणुकीतून चांगला लाभ पदरात पडेल. काही दुरावलेली नाती जवळ येतील. संततीचे विवाहयोग जुळून येतील. मित्रच आज तुम्हाला हिताचे सल्ले देतील.
वृश्चिक – (शुभ रंग – आकाशी)
कार्यक्षेत्रातील तुमचे वर्चस्व वाढेल. नोकरीत प्रमोशनची चाहूल लागेल. अधिकारी वर्गाच्या तुमच्या बद्दलच्या अपेक्षा वाढतील. घरगुती कामे दुर्लक्षित होतील.
धनु – (शुभ रंग – जांभळा)
हितशत्रू सक्रीय आहेत. प्रत्येक निर्णय विचारांती घ्या. आज परिश्रमाने यश सोपे होईल दैवाची साथ तर आहेच. कायदा मोडण्याचा विचारही मनात आणू नका.
मकर – (शुभ रंग – गुलाबी)
विरोधक सक्रिय असताना बिनचूक कामास प्राधान्य द्यावे लागेल. कोणाकडून कसली अपेक्षा करू नका म्हणजे अपेक्षाभंग होणार नाही. मोठ्या आर्थिक उलाढाली आज नकोत.
कुंभ – (शुभ रंग – मोरपिसी)
घराबाहेर आज तुमच्या आकर्षक व्यक्तिमत्वाचा प्रभाव पडेल. एखाद्या मंगल कार्यात जोडीने उपस्थित रहाल. प्रवासात मात्र खोळंबा होईल. आवक-जावक समांतर राहील.
मीन – (शुभ रंग – स्ट्रॉबेरी)
अती श्रमाचा तब्येतीवर परिणाम जाणवेल. आरोग्याच्या क्षुल्लक तक्रारीही दुर्लक्षित करू नका. खाण्यापिण्यावर नियंत्रण ठेवा. पोट बिघडणार आहे. येणी असतील तर वसूल होण्याची शक्यता आहे.