Today’s Horoscope 12 October 2020: जाणून घ्या आजचे राशीफळ
एमपीसी न्यूज - आजचे पंचांग – वार….सोमवार. दिनांक…12.10.2020
- शुभाशुभ विचार… 17 नंतर चांगला दिवस.
- आज विशेष .. साधारण दिवस.
- राहूकाळ.. सकाळी 07.30 ते 09.00
- दिशा शूल… पूर्वेस असेल.
- नक्षत्र.. आश्लेषा
- आजची चंद्र राशी.. कर्क.
आजचे राशीभविष्य
मेष – ( शुभ रंग -सोनेरी )
आज स्थावराची खरेदी विक्री नफा मिळवून देईल. गृहिणींना गृह उद्योगातून चांगली मिळकत होईल. विद्यार्थी अभ्यासात एकाग्रता साधतील.
वृषभ – (शुभ रंग – मोतिया)
आज तुम्हाला काही कौटुंबिक अडचणी चिंताग्रस्त करतील. परंतु जोडीदाराच्या खंबीर सहकार्याने त्यावर सहज मात करता येईल. विद्यार्थ्यांना अभ्यासाचे तास वाढवावे लागतील.
मिथुन – (शुभ रंग -हिरवा )
पैशाअभावी रखडलेले उपक्रम सुरू कराल. आत्मविश्वासाने नव्या योजना हाती घ्याल. कार्यक्षेत्रातील स्पर्धकांना तुमचा हेवा वाटेल. आज गरजवंताला मदत कराल.
कर्क – (शुभ रंग – केशरी )
हट्टीपणास लगाम घालून आज इतरांचेही विचार ऐकून घ्या. कार्यक्षेत्रात सावधपणे निर्णय घेणे गरजेचे आहे. आज विविध जाहिराती गृहिणींना भुरळ घालतील.
सिंह – (शुभ रंग – डाळिंबी )
आज काही मोठे खर्च दार ठोठावणार आहेत. गृहिणींचा आज देवधर्माकडे व दान धर्माकडे ओढा राहील. दूरचे प्रवास करत असाल तर प्रवासात रात्री झोपू नका. सतर्क रहा.
कन्या – (शुभ रंग- निळा )
बरेच दिवसापासूनची तुमची काही अपुरी स्वप्ने साकार होतील. काही जणांना नव्या घराचा ताबा मिळेल. वाहन खरेदीसाठी कर्ज मंजुरी होऊ शकते. आज इच्छापूर्तीचा दिवस.
तूळ – (शुभ रंग- आकाशी )
अधिकार वापरण्याच्या योग्य संधी चालून येणार आहेत. आज मित्रमंडळींबरोबर मात्र काहीतरी बिनसणार आहे. आज केलेल्या कष्टांचे फळ उद्याच मिळेल
वृश्चिक – (शुभ रंग- चंदेरी )
घरात आज काही क्षुल्लक कारणाने वडिलधार्‍यांशी मतभेद होतील. आज नास्तिक सुद्धा गरजेपुरते अध्यात्मिक होतील. श्रद्धाळू भाविकांना एखादी प्रचिती नक्की येईल.
धनु – (शुभ रंग- गुलाबी )
आज काही मनाविरुद्ध घटना घडतील. हातचे सोडून पळत्यामागे धावू नका, जे काही कराल ते तब्येतीस जपूनच करा. व्यवसायात आर्थिक धाडस आवाक्याबाहेर नको.
मकर – (शुभ रंग- जांभळा )
आज तुमचे शारीरिक व मानसिक स्वास्थ्य उत्तम राहील. नोकरदारांना बाढतीचा मार्ग सोपा होईल. आज वैवाहिक जीवनात तू तिथे मी असे वातावरण राहील.
कुंभ – (शुभ रंग- स्ट्रॉबेरी )
वरिष्ठ आज गोड बोलून तुम्हाला राबवून घेतील. आज प्रकृतीकडे दुर्लक्ष नको. जोडीदाराचे मन समजून घ्या. कुठून येणी असतील तर मागायला लाजू नका.
मीन – ( शुभ रंग -मोरपिशी )
कार्यक्षेत्रात तुमची वाटचाल प्रगतीच्या दिशेने चालू राहील. प्रिय व्यक्तीच्या सहवासात आज तुम्हाला वेळेचे भान राहणार नाही. रुग्णांना आज हॉस्पिटलमधून डिस्चार्ज मिळू शकेल.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
