Today’s Horoscope 13 September 2020: जाणून घ्या आजचे राशीफळ
एमपीसी न्यूज - आजचे पंचांग, रविवार, दिनांक…13 सप्टेंबर 2020
- शुभाशुभ…चांगला दिवस.
- आज विशेष .. इंदिरा एकादशी.
- राहूकाळ…सकाळी 04.30 ते 06.00
- दिशा शूल…पश्चिमेस असेल.
- नक्षत्र… पुनर्वसु 16.34 पर्यंत नंतर पुष्य.
- आजची चंद्र राशी… मिथुन 10.36 पर्यंत नंतर कर्क.
आजचे राशीभविष्य
मेष – (शुभ रंग – मरून)
आज काही रेंगाळलेल्या घरगुती कामात लक्ष घालावे लागेल. गृहिणींचे गृहोद्योग तेजीत चालणार आहेत दिवसभरात एखादी सुवार्ता कानी येईल.
वृषभ – (शुभ रंग – गुलाबी)
आज तुमच्यासाठी अत्यंत व्यस्त दिवस असून तुमचा जास्तीत जास्त वेळ घराबाहेर जाईल. साहित्यिक मंडळींकडून उत्तम लिखाण होईल.
मिथुन – (शुभ रंग – हिरवा)
सभा संमेलनात आज तुमच्या वक्तृत्वाचा प्रभाव पडेल. काही प्रिय पाहुण्यांची घरी उठबस राहील. नाती सांभाळायची असतील तर खरे बोलण्यापेक्षा गोड बोलणे गरजेचे आहे.
कर्क – (शुभ रंग – मोरपंखी)
कंजुषपणा सोडून आज काही अत्यावश्यक कारणांसाठी खर्च करावाच लागणार आहे. देण्यघेण्याच्या व्यवहारात पारदर्शकता ठेवा. दूरचे नातलग संपर्कात येतील. आज हरवलेले गवसेल.
सिंह – (शुभ रंग – जांभळा)
कर्तव्य बाजूस ठेऊन आज मौजमजा करण्यास प्राधान्य द्याल. आज स्वतःचे लाड पुरवण्यासाठी खर्च कराल. जमाखर्चाचा मेळ घालणे आज जरासे अवघडच जाईल.
कन्या – (शुभ रंग – पांढरा)
आज तुम्ही सहकुटुंब चैन व मनोरंजनास प्राधान्य द्याल. मुलांना दिलेले शब्द पाळावे लागणार आहेत. मित्र आज दिलेली आश्वासने पाळतील. उच्चशिक्षितांना मोठ्या पॅकेजच्या नोकऱ्या चालून येतील.
तूळ – (शुभ रंग – निळा)
सगळी महत्वाची कामे दुपारपूर्वीच करून मोकळे व्हा, त्यानंतर थोडीफार मानसिक अस्वस्थता राहील. आज जिवलग मित्रांमध्येही काही मतभेद होण्याची शक्यता आहे.
वृश्चिक – (शुभ रंग – आकाशी)
नोकरीत काही कंटाळवाणी कामे करावे लागतील. वरिष्ठ आज तुम्हाला गोड बोलून राबवून घेणार आहेत. आज भावना व कर्तव्य यांचा समन्वय साधणे कठीण जाईल.
धनु – (शुभ रंग – सोनेरी)
व्यावसायिक चढउतारांचा सामना करावा लागणार आहे. वैवाहिक जीवनात जोडीदाराची मते विचारात घेणे गरजेचे आहे. कोणतीही धाडसाची कामे टाळा. प्रतिष्ठेस जपा.
मकर – (शुभ रंग – चंदेरी)
नोकरीत बढतीच्या मार्गातील अडथळे दूर होतील. तुमची कामातील निष्ठा व समर्पण वरिष्ठांना प्रभावित करेल. वैवाहिक जीवनात आज जोडीदाराच्या चुका काढू नका.
कुंभ – (शुभ रंग – राखाडी)
हाती असलेल्या पैशाची उधळपट्टी थांबवणे अत्यंत गरजेचे आहे. एखादा मोठा खर्च उद्भवू शकतो. तरुणांनी व्यसनांपासून दूर राहणे हिताचे. दुकानदारांची उधारी वसूल होईल.
मीन – (शुभ रंग – डाळिंबी)
तुमच्या कार्यक्षेत्रामध्ये प्रगतीचा आलेख चढताच राहील. नोकरदारांना नोकरीत बदल करण्यासाठी चांगल्या संधी चालून येतील. प्रेम प्रकरणांना घरच्यांकडून ग्रीन सिग्नल मिळेल.
– जयंत कुलकर्णी
फोन. 96891 65424
(ज्योतिष व वास्तु सल्लागार)
