Today’s Horoscope 14 April 2021 : जाणून घ्या आजचे राशीफळ
एमपीसी न्यूज - आजचे पंचांग. वार – बुधवार. 14 एप्रिल 2021
- शुभाशुभ विचार — 17 पर्यंत चांगला दिवस.
- आज विशेष – डॉ. बाबासाहेब आंबेडकर जयंती.
- राहू काळ – दुपारी 12.00 ते 01.30
- दिशा शूल – उत्तरेस असेल.
- आजचे नक्षत्र – भरणी 17.22 पर्यंत नंतर कृतिका.
- चंद्र राशी – मेष 24.10 पर्यंत नंतर वृषभ.
आजचे राशीभविष्य
मेष – (शुभरंग – स्ट्रॉबेरी)
आज तुम्ही स्वतःच्या प्रेमात राहाल. चैन करण्यासाठी मनसोक्त पैसा खर्च कराल. तरुणांच्या महत्वाकांक्षा वाढणार आहेत. हट्टीपणा सोडून आज थोडे संयमाने वागण्याची गरज आहे.
वृषभ – ( शुभ रंग- आकाशी)
नवीन व्यावसायिकांनी मर्यादा ओळखूनच उलाढाली केलेल्या बऱ्या. आती आक्रमकतेने निराशा पदरात पडेल. थोर मंडळींचे अनुभवाचे बोल ऐकून तरी घ्या.
मिथुन – (शुभ रंग- मरून)
पूर्वीच्या कष्टाचे फळ पदरात पडण्याचा दिवस आहे. घरात पाहुण्यांची वर्दळ राहील. वैवाहिक संबंधात गोडवा राहील. गृहलक्ष्मी व मुले हसतमुख असतील.
कर्क – (शुभ रंग – हिरवा)
आज तुम्ही फारच हट्टीपणाने वागाल. अधिकाराचा गैरवापर महागात पडेल. कामात क्षुल्लक चुका करून विरोधकांना आयती संधी देऊ नका. सामंजस्याचे धोरण हिताचे राहील.
सिंह – (शुभ रंग- पिस्ता)
नोकरदारांना कामाचा प्रचंड ताण जाणवेल. वरिष्ठांच्या मागेपुढे करावेच लागणार आहे. कार्यक्षेत्रात उद्दिष्टे पूर्ण करण्यासाठी स्वप्नरंजनापेक्षा प्रयत्नांस प्राधान्य देणे गरजेचे आहे.
कन्या – ( शुभ रंग – लाल )
आज कंटाळवाणा दिवस असून क्षुल्लक कामातही अडचणी येतील. मोठ्या आर्थिक व्यवहारात सावध राहणे गरजेचे आहे. आज पत्नीच्या चुका काढण्याची चूक अजिबात करू नका.
तूळ – (शुभ रंग – मोरपंखी)
व्यापारी वर्गासाठी उत्तम दिवस. दुकानात गिर्‍हाईकांची वर्दळ वाढणार आहे. वैवाहिक जीवनात खेळीमेळीचे वातावरण असून काही जुन्या आठवणी मनास आनंद देतील.
वृश्चिक – (शुभ रंग – क्रीम)
आज मोठ्या आर्थिक उलाढाली टाळा. एकाच्या भरवशावर दुसऱ्याला अजिबात शब्द देऊ नका, तो पाळता येणार नाही. विरोधक सक्रिय असताना कायद्याची चौकट अजिबात मोडू नका.
धनु –( शुभ रंग – जांभळा)
कौटुंबिक वातावरण आज खेळीमेळीचे राहील. गृहिणी स्वतःसाठी आवर्जून वेळ काढतील. विद्यार्थी अभ्यासात एकाग्रता साधू शकतील. कलाकारांना रसिक मंडळी डोक्यावर घेतील.
मकर – ( शुभ रंग- केशरी)
आज गृहसौख्याचा दिवस आहे. दैनंदिन कामे वेळच्यावेळी पार पडतील. व्यवसायिकांची आर्थिक आवक पुरेशी राहील. आज प्रेम प्रकरणे मात्र फक्त मनस्तापच देतील.
कुंभ – (शुभ रंग – गुलाबी)
एखाद्या अनुकूल घटनेने आज तुमचा आत्मविश्वास वाढेल. जवळपासच्या प्रवासाचे योग आहेत. काही नवीन ओळखी होतील. शेजाऱ्यांशी जवळीक निर्माण होईल. परिवारास वेळ देणे आज कठीण जाईल.
मीन – ( शुभ रंग- चंदेरी)
व्यवसायिक उलाढाल वाढेल. आज मी म्हणेन तीच पूर्व असे तुमचे धोरण असेल. वादविवादात तुम्ही स्वतःचे घोडे पुढे दामटवाल. इतरांचेही ऐकून घेण्याची मानसिकता ठेवा.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार
