Today’s Horoscope 14 September 2020: जाणून घ्या आजचे राशीफळ
एमपीसी न्यूज - आजचे पंचांग, सोमवार, दिनांक…14 सप्टेंबर 2020
- शुभाशुभ…उत्तम दिवस.
- आज विशेष .. द्वादशी श्राद्ध.
- राहूकाळ…सकाळी 07.30 ते 09.00
- दिशा शूल…पूर्वेस असेल.
- नक्षत्र… पुष्य 15.52 पर्यंत नंतर आश्लेषा
- आजची चंद्र राशी… कर्क
आजचे राशीभविष्य
मेष – (शुभ रंग – गुलाबी)
आज दैनंदिन कामे सुरळीत पार पडतील. ज्येष्ठ मंडळींना प्रकृती उत्तम साथ देईल. मुलांच्या अभ्यासात ही थोडे लक्ष घालणे गरजेचे आहे. कलाकारांचे स्ट्रगल चालूच राहील.
वृषभ – (शुभ रंग – मोरपिशी)
नोकरी-व्यवसायात थोडीफार अस्थिरता जाणवेल तुमचे मनोबल ही कमीच राहील. आज तुम्हाला हातचे सोडून पळत्यामागे धावायचा मोह होईल पण तसे करू नका.
मिथुन – (शुभ रंग – मरून)
प्रियजनांचा सहवास लाभेल. आज तुम्ही इतरांना काही महत्त्वपूर्ण सल्ले द्याल. अती स्पष्टवक्तेपणाने कुणाच्या भावना दुखावल्या जाणार नाहीत याची काळजी घ्यायला हवी.
कर्क – (शुभ रंग – हिरवा)
मानसिक प्रसन्नता राहील. आज तुम्ही एखाद्या किचकट कामातही जिद्दीने कार्यरत रहाल. एखाद्या क्षुल्लक गोष्टीनेही हळवे व्हाल. एखाद्या गरजूस आवर्जून मदत कराल.
सिंह – (शुभ रंग – पांढरा)
आज तुम्ही एखाद्या सामाजिक कार्यात सहभाग घ्याल. गरजूंना सढळ हस्ते मदत कराल. विरोधकांच्या कारवाया चालूच राहणार आहेत सतर्क राहा.
कन्या – (शुभ रंग – जांभळा)
नवविवाहितांची स्वप्ने साकार होतील. वाहन किंवा वास्तू खरेदीसाठी केलेले कर्ज प्रस्ताव मंजूर होऊ शकतील. आज मित्रांनी केलेल्या खोट्या स्तुतीनेही तुम्ही भारावून जाल.
तूळ – (शुभ रंग – आकाशी)
आज तुम्ही फक्त आपल्या कर्तव्याला प्राधान्य देणार आहात. अधिकार वापरण्याच्या योग्य संधी चालून येणार आहेत. नोकरदारांना वरिष्ठांचे दडपण जाणवेल.
वृश्चिक – (शुभ रंग – निळा)
घरात आज काही कारणाने वडिलधार्‍यांशी मतभेद होण्याची शक्यता आहे. त्यांच्या वयाचा मान राखणे हिताचे राहील. कायद्याची चौकट मोडण्याचा प्रयत्न करू नका.
धनु – (शुभ रंग – सोनेरी)
आज धाडसाची कामे टाळलेली बरी. जे काही कराल ते तब्येतीस जपूनच करावे. तरुणांनी वाहन चालवताना स्टाईल मारू नये. आज सुरक्षिततेला प्राधान्य देणे गरजेचे आहे.
मकर – (शुभ रंग – चंदेरी)
आज तुम्ही अत्यंत उत्साही व ताजेतवाने असाल. कार्यक्षेत्रात एखाद्या नव्याने येणाऱ्या संधीचे तुम्ही सोने कराल. वैवाहिक जीवनात सामंजस्याची भावना राहील.
कुंभ – (शुभ रंग – राखाडी)
व्यावसायिक निर्णय घेताना भागीदारांना विश्वासात घेणे गरजेचे राहील. एखाद्या अडचणीच्या प्रसंगी आज जोडीदाराची भक्कम साथ राहील. आशादायी दिवस.
मीन – (शुभ रंग – डाळिंबी)
कार्यक्षेत्रात तुमची वाटचाल योग्य दिशेने चालू राहील. वेळीच घेतलेले अचूक निर्णय फायदेशीर ठरतील. प्रतिष्ठित मंडळींच्या ओळखीचा आपल्या हितासाठी उपयोग करून घ्याल.
– जयंत कुलकर्णी
फोन. 96891 65424
(ज्योतिष व वास्तु सल्लागार)
