Today’s Horoscope 17 March 2021 : जाणून घ्या आजचे राशीफळ
एमपीसी न्यूज - आजचे पंचांग. वार – बुधवार 17 मार्च 2021
- शुभाशुभ विचार – 9.00 पर्यंत चांगला दिवस.
- आज विशेष — विनायक चतुर्थी.
- राहू काळ – दुपारी 1 2.00 ते 01.30.
- दिशा शूल – उत्तरेस असेल.
- आजचे नक्षत्र – अश्विनी 7.31 पर्यंत नंतर भरणी.
- चंद्र राशी – मेष.
आजचे राशीभविष्य
मेष – ( शुभ रंग – पिस्ता )
एखाद्या चांगल्या बातमीने आजच्या दिवसाची सुरुवात होईल. आज आपल्या जोडीदाराचे हट्ट पुरवण्यास प्राधान्य द्याल. वादविवादात आज आपल्याच मतावर ठाम रहाल.
वृषभ – (शुभ रंग- जांभळा)
उद्योग धंद्यात आपल्या मर्यादा ओळखूनच आर्थिक उलाढाली कराव्यात. घरातील वडीलधारी मंडळी आज आपलेच खरे करतील. आज प्रवास कार्यसाधक होतील.
मिथुन – ( शुभ रंग- मोरपिशी)
आज पूर्वीच्या कष्टांचे फळ पदरात पडण्याचा दिवस आहे. जीवलग मित्रांकडून अपेक्षित सहकार्य मिळेल. अर्धवट उपक्रम नव्याने सुरु करता येतील. आज वैवाहिक जीवनात खेळीमेळीचे वातावरण राहील.
कर्क – ( शुभ रंग -डाळिबी)
आपल्या सडेतोड बोलण्याच्या वृत्तीमुळे हितसंबंधात कटुता येण्याची शक्यता आहे. घराबाहेर वावरतांना डोके थंड व वाणीत गोडवा ठेवलात तर अनेक कामे सोपी होतील. एखाद्या मित्रास मदत कराल.
सिंह – ( शुभ रंग- सोनेरी)
कार्यक्षेत्रात काही मनाविरुद्ध घटना मनास बेचैन करतील. थोडा संयम ठेवा. गृहिणींना अति श्रमामुळे थकवा जाणवेल. भक्तीमार्गात असणार्‍यांना एखादी प्रचिती येईल.
कन्या – ( शुभ रंग- चंदेरी)
कमी कष्टात जास्त लाभाच्या मोहाने निराशाच पदरी पडेल. काही मानापमानाच्या प्रसंगांना तोंड द्यावे लागू शकते. महत्वाच्या चर्चा बैठकी आज टाळलेल्या बऱ्या.
तूळ – (शुभ रंग- गुलाबी)
आजचा दिवस धावपळीत जाईल एखाद्या अनुकूल घटनेने तुमचा आत्मविश्वास वाढेल. दूरच्या प्रवासात थोडा खोळंबा होईल. मामा मावशी यांच्याकडून काही सुवार्ता येतील.
वृश्चिक – ( शुभ रंग- राखाडी)
दैनंदिन कामे आज सुरळीत पार पडतील. गरजेइतका पैसाही उपलब्ध होईल. प्रेम प्रकरणे मात्र डोक्याला मनस्ताप देतील. वैवाहिक जीवनात जोडीदाराच्या चुका काढू नका.
धनु – ( शुभ रंग- क्रीम)
कौटुंबिक वातावरण अत्यंत उत्साही राहील. गृहिणी आपल्या आवडत्या छंदास आवर्जून वेळ देतील. रुग्ण ठणठणीत बरे होतील. उच्चशिक्षितांच्या महत्वाकांक्षा वाढतील.
मकर – (शुभ रंग – स्ट्रॉबेरी)
वास्तु किंवा वाहन खरेदीसाठी कर्ज मंजूर होईल. आज तुम्ही जरा मुलांच्या तब्येतीकडे लक्ष देणे गरजेचे आहे. वास्तुमध्ये एखादे धार्मिक करण्याचे बेत आखाल. गृह सौख्यात वृद्धी होणार आहे.
कुंभ – (शुभ रंग- मोतिया)
आज काही अप्रिय माणसांचा सहवास सहन करावा लागेल. कुणाकडूनही सहकार्याची अपेक्षा करू नका. तरुणांनी व्यसनांपासून दूर राहणे गरजेचे आहे कुसंगत टाळावी
मीन – ( शुभ रंग- मरून)
आज सर्व दृष्टीने अनुकूल असा दिवस. कार्यक्षेत्रात विरोधकांचा विरोध मावळेल. योग्य हितसंबंध निर्माण होतील. नव्या ओळखीतून व्यवसायवृद्धी होईल. पुरेशी बचत करू शकाल. संध्याकाळी सहकुटुंब चैन कराल.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
