Today’s Horoscope 19 January 2021 : जाणून घ्या आजचे राशीफळ
एमपीसी न्यूज - आजचे पंचांग – वार मंगळवार, दि. 19 जानेवारी 2021
- शुभाशुभ विचार – चांगला दिवस.
- आज विशेष – साधारण दिवस.
- राहू काळ – दुपारी ३.०० ते ४.३०.
- दिशा शूल – उत्तरेस असेल.
- आजचे नक्षत्र – उत्तरा भाद्रपदा ०९.५५ पर्यंत नंतर रेवती.
- चंद्र राशी – मीन.
आजचे राशीभविष्य
मेष – (शुभ रंग – राखाडी)
आज तुमचा अध्यात्मिक मार्गाकडे ओढा असणार आहे. महत्त्वपूर्ण निर्णय जाणकार व्यक्तींच्या सल्ल्याने घ्या. बरेच दिवसांनी काही दूरचे नातलग संपर्कात येतील. गृहिणींवर जबाबदार्या वाढतील.
वृषभ – (शुभ रंग – मरून)
योग्य वेळी घेतलेल्या निर्णयांचे चीज होईल. व्यवसायात पूर्वीच्या श्रमांचे चीज होईल. आवक मनाजोगती असेल. काही दुरावलेल्या नातेसंबंधात सुधारणा होईल.
मिथुन – (शुभ रंग – सोनेरी)
आज तुम्हाला वाढत्या जबाबदाऱ्यांचे दडपण येण्याची शक्यता आहे. बेकायदेशीर कृत्य अंगाशी येऊ शकतात. आज तुम्ही एखाद्या मित्राच्या मदतीस धावून जाणार आहात.
कर्क – (शुभ रंग – चंदेरी)
आज कष्टांच्या प्रमाणात मोबदला कमी असेल. काही कामे आज निस्वार्थीपणे करावी लागणार आहेत. मानसिक संतुलन बिघडवणारे काही प्रसंग घडतील. स्वतःवर संयम ठेवा.
सिंह – (शुभ रंग – गुलाबी)
कसलेही नवे उपक्रम सुरू करायचे असतील तर आजचा दिवस योग्य नाही. आज कष्टांचा हि अतिरेक टाळा. सर सलामत तो पगडी पचास हे लक्षात ठेवा, विश्रांतीही गरजेची आहे.
कन्या – (शुभ रंग – आकाशी)
धंद्यात आवक-जावक सारखीच राहील. नवे परिचय व्यवसाय वृद्धीच्या दृष्टीने फायदेशीर ठरतील वैवाहिक जीवनात जोडीदाराची मते विचारात घेणे गरजेचे आहे.
तूळ – (शुभ रंग – सोनेरी)
अधिकारी वर्गाला हाताखालच्या माणसांशी जुळवून घ्यावे लागेल. काही जुनी येणी मागितली तर वसूल होण्याची शक्यता आहे. आज खेळाडूंचा स्पर्धेतील विजय नक्की.
वृश्चिक – (शुभ रंग – आकाशी)
मित्रांमध्ये केवळ मोठेपणा घेण्यासाठी काही न परवडणारा खर्च आज आपण कराल. मुलांच्या बाबतीत आज काही योग्य निर्णय घ्यावे लागणार आहेत.
धनु – (शुभ रंग – भगवा)
प्रॉपर्टीविषयी काही कामे रखडलेली असतील तर अशा कामांना चालना मिळेल. कौटुंबिक वाद असतील तर आज सुसंवादाने मिटू शकतील. गृहिणींनी झाकली मूठ झाकलीच ठेवणे गरजेचे आहे.
मकर – (शुभ रंग – पिस्ता)
अधिकारी वर्गाने कोणत्याही कागदपत्रांवर सह्या करताना सतर्क राहावे. कोर्ट प्रकरणे कोर्टाबाहेर निपटून टाकणे हिताचे राहील. आज काही महत्त्वाचे मेल्स येणार आहेत. दुपारनंतर प्रवासास निघाल.
कुंभ – (शुभ रंग – मोरपंखी)
आज तुम्हाला विविध मार्गांनी आर्थिक लाभ होतील, व्यवसायात पूर्वी घेतलेले निर्णय अचुक ठरतील. तब्येत ठणठणीत राहील. प्रतिष्ठितांच्या गाठीभेटी लाभदायक ठरणार आहेत.
मीन – (शुभ रंग – स्ट्रॉबेरी)
प्रभावी वक्तृत्वाने आज समोरच्यास प्रभावित कराल. महत्त्वाचे व्यावसायिक करार करण्यासाठी आज अतिशय योग्य दिवस. पत्नी म्हणेल त्याला हो म्हणून मोकळे व्हा.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)