Todays Horoscope 20 January 2022 : जाणून घ्या आजचे राशीफळ
आजचे पंचांग – वार गुरुवार, दि. 20.01.2022
- शुभाशुभ विचार – उत्तम दिवस.
- आज विशेष – साधारण दिवस.
- राहू काळ – दुपारी 01.30 ते 03.00.
- दिशा शूल – दक्षिणेस असेल.
- आजचे नक्षत्र – आश्लेषा 08.24 पर्यंत, नंतर मघा.
- चंद्र राशी – कर्क 08.24 पर्यंत, नंतर सिंह.
—————————————
आजचे राशीभविष्य.
मेष ( शुभ रंग – राखाडी)
नोकरीच्या ठिकाणी कामाचा पसारा आवाक्याबाहेर जाईल. कष्टाच्या प्रमाणात मोबदला कमी असला तरी तुमच्या कामातील उत्साह दांडगा राहील. आज काही मोफत सल्ले देणारी माणसे बोअर करतील.
वृषभ – ( शुभ रंग – मरून )
इच्छित ध्येय साध्य करण्यासाठी अविश्रांत परिश्रम करण्याची तुमची तयारी असेल. आज तुम्हाला परिवारासाठी वेळ देणे कठीण जाईल. समाजिक कार्य करणाऱ्यांना समाजात आदर मिळेल.
मिथुन- ( शुभरंग- निळा )
पत प्रतिष्ठा वाढेल आज आप्तस्वकीय तुमच्या शब्दास मान देतील. जे काही मनात आणाल ते तडीस न्याल. हितशत्रू पळवाट शोधतील. आज तुमच्यासाठी इच्छापूर्तीचा दिवस.
कर्क- ( शुभ रंग- मोतिया )
कार्यक्षेत्रात स्पर्धकांवर सहजपणे मात कराल. इतरांस दिलेले शब्द पळता येतील रसिक मंडळी जीवाची मुंबई करतील. जोडीदारास दिलेले शब्द पाळण्याचा प्रयत्न कराल.
सिंह – (शुभ रंग- आकाशी )
तुमच्या खर्चिक स्वभावामुळे आज पैसा कितीही आला तरी पुरणार नाही. घराबाहेर वावरतांना डोके शांत ठेवा वाद टाळा. हट्टीपणा सोडून आज संयमाने वागण्याची गरज आहे.
कन्या – ( शुभ रंग – डाळिंबी)
कार्यक्षेत्रात रागरंग बघूनच महत्त्वाचे निर्णय घ्यावेत. विरोधक चुका शोधत असतील. महत्वाच्या चर्चा व बैठकी आज टाळलेल्या बऱ्या. जुन्या मित्रांच्या भेटीने मन ताजेतवाने होईल.
तूळ- ( शुभ रंग- केशरी )
नोकरी-धंद्यात उत्साही वातावरण राहील. लहान मोठे आर्थिक लाभ होतील. आपल्या कर्तुत्वास थोरामोठ्यांचे आशीर्वाद लाभतील. वाणीत मृदुता हिताची राहील.
वृश्चिक – ( शुभ रंग- निळा )
दैनंदिन कामे वेळच्यावेळी पार पडतील. कार्यक्षेत्रात श्रमसफल्या चे समाधान मिळेल. दैव आज तुमच्या बाजूने आहे. परिवारात आनंदाचे वातावरण राहील. मुले आज्ञेत वागतील.
धनु – ( शुभ रंग- पिस्ता)
कुटुंबातील सदस्यांच्या गरजा वाढत राहतील. जमा खर्चाचा मेळ बसवताना तारेवरची कसरत होईल. वैवाहिक जीवनात किरकोळ वाद होतील पण फार ताणून धरू नका.
मकर- ( शुभ रंग- आकाशी )
आज किचकट कामेही विनासायास पार पडतील. नोकरीत वरिष्ठांकडून तुमच्या कामाची दखल घेतली जाईल. आज इतरांच्या भानगडीत न पडता फक्त आपल्या ध्येयावर लक्ष ठेवा.
कुंभ- ( शुभ रंग- हिरवा )
काही मनासारख्या घटनांनी तुमची उमेद वाढेल. इतरांवर विसंबून न राहता स्वावलंबनाचे धोरण ठेवा. कोणत्याही स्पर्धेत आज अंतिम विजय तुमचाच राहील.
मीन – ( शुभ रंग- पांढरा)
व्यापारी वर्गाची बाजारातील पत वाढेल. आज तुमच्या कामातील उत्साह पाहून विरोधकही प्रभावित होतील. नीती बाह्य वर्तनाने प्रतिष्ठा धोक्यात येईल सतर्क राहा.