Today’s Horoscope 22 November 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 22 November 2023 – जाणून घ्या आजचे राशिभविष्य
आजचे पंचांग
आजचा दिवस – बुधवार.
तारीख – 22.11.2023.
शुभाशुभ विचार – उत्तम दिवस.
आज विशेष – साधारण दिवस.
राहू काळ – दुपारी 12.00 ते 01.30.
दिशा शूल – उत्तरेस असेल.
आज नक्षत्र – पूर्वा भाद्रपदा 18.37 पर्यंत नंतर उत्तरा भाद्रपदा.
चंद्र राशी – कुंभ 12.58 पर्यंत नंतर मीन.
मेष ( शुभ रंग – मोरपिशी)
आज दिवस खर्चाचा आहे बचतीचा विचारच सोडून द्या संध्याकाळी एखाद्या मॉलमध्ये फेरफटका माराल आज गरजेपुरते आध्यात्मिकहीवाल प्रवासाचा आनंद
लुटाल.
वृषभ ( शुभ रंग- हिरवा)
आज तुमच्यासाठी स्वप्नपूर्तीचा दिवस जे जे चिंताल ते होईल. कमी श्रमातही जास्त लाभ पदरात पडण्याची शक्यता आहे. संध्याकाळी अनपेक्षित खर्च दार ठोठावतील.
मिथुन ( शुभ रंग- तांबडा)
आज तुम्ही भावनेपेक्षा जास्त कर्तव्याला प्राधान्य द्याल. कामाच्या व्यापात आज महत्त्वाचे घरगुती प्रश्न दुर्लक्षित होतील. संध्याकाळी सहकुटुंब मौजमजेस प्राधान्य द्याल.
कर्क ( शुभ रंग – पिस्ता)
आज दैवाचे पाठबळ उत्तम असल्याने तुमच्या प्रामाणिक प्रयत्नांना यश नक्की मिळेल. सज्जनांचा सहवास लाभेल. सरकारी कामे मात्र रखडतील. गृहिणी दानधर्म करतील.
सिंह ( शुभ रंग – क्रीम)
कोणतीही धाडसाची कामे आज नकोत. स्वतःला जपा. आज कोणावरही डोळे झाकून विश्वास ठेवू नका. विश्वासातील व्यक्तींकडूनच विश्वासघात होऊ शकतो.
कन्या ( शुभ रंग- केशरी)
कौटुंबिक सदस्यांमध्ये सामंजस्य असल्याने तुमचे मनोबलही उत्तम असेल. आज जोडीदाराचे हट्ट पुरवण्याचा तुम्ही प्रयत्न कराल. संध्याकाळी कामावरून येताना गाडी हळू चालवा.
तूळ ( शुभ रंग- डाळिंबी)
कोणतीच गोष्ट सहज साध्य नसली तरीही आज तुमच्या प्रयत्नांना दैवाचे पाठबळ नक्की मिळेल. येणी असतील तर दिवसाच्या उत्तरार्धात वसूल होऊ शकतील.
वृश्चिक ( शुभ रंग – चंदेरी)
हौशी मंडळी जीवाची मुंबई करतील. आज मनसोक्त स्वतःचे लाड पुरवण्यासाठी वेळ व पैसाही खर्च कराल. गुढ शास्त्राच्या अभ्यासकांना एखादी प्रचिती येईल.
धनु (शुभ रंग- स्ट्रॉबेरी)
आज काही घरगुती प्रश्नात लक्ष देणे तुम्हाला अत्यावश्यक वाटेल. तुम्हाला मुलांच्या अभ्यासातही डोकवावे लागणार आहे. आज गृह उद्योग करणाऱ्या महिलांची आवक वाढेल.
मकर (शुभ रंग- भगवा)
आज नोकरदारांना बढती बदली विषयी समाचार येऊ शकतात. मुले आज अभ्यासात चालढकलच करतील. गृहिणींनी सासूबाईंकडून शाब्बासकीची अपेक्षा ठेवू नये.
कुंभ (शुभ रंग- पांढरा)
आज खिशात पैसा खेळता असल्याने आनंदी व उत्साही असाल. काही हवेहवेसे वाटणारे पाहुणे घरी पाय धुळ झाडतील. खरे बोलण्यापेक्षा आज गोड बोलणे हिताचे राहील.
मीन ( शुभ रंग- निळा)
आज स्वतःचेच खरे करू नका इतरांचेही ऐकून घेणे गरजेचे आहे. व्यावसायिकांनी स्पर्धकांना कमजोर समजू नये. गोडबोल्या मंडळींचे गोड बोलणे फार मनावर घेऊ नका.
श्री जयंत कुळकर्णी.
ज्योतिष व वास्तु शास्त्र सल्लागार.
फोन – 9689165424.
