Today’s Horoscope 23 March 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 23 March 2023 – जाणून घ्या आजचे राशिभविष्य
वार – गुरूवार.
23-03-2023
शुभाशुभ विचार- शुभ दिवस.
आज विशेष- साधारण दिवस.
राहू काळ – दुपारी 1.30 ते 3.00
दिशा शूल – दक्षिणेस असेल.
आजचे नक्षत्र – रेवती 14.08 पर्यंत नंतर अश्विनी.
चंद्र राशी – मीन 14.08 पर्यंत नंतर मेष.
—————————————-
आजचे राशिभविष्य
मेष – ( शुभ रंग- स्ट्रॉबेरी )
दिवस खर्चाचा असेल तर बिनधास्त खर्च करायला हवा. आज कंजूषणाचा काहीही उपयोग नाही. तातडीने दूरच्या प्रवासास निघणाऱ्यांनी आपल्या मौल्यवान वस्तूंची काळजी घ्यायला हवी.
वृषभ (शुभ रंग- निळा )
दिवस लाभाचा असताना सकारात्मक दृष्टिकोन ठेवा. दिवसाच्या उत्तरार्धात एखादा अनपेक्षित लाभ संभवतो. जुन्या मित्रमंडळींच्या सहवासात आजची संध्याकाळ मजेत जाईल.
मिथुन ( शुभ रंग- क्रीम )
नोकरदारांना आज वरिष्ठ गोड बोलूनच राबवून घेतील. खोटी स्तुती करणारे मित्र भेटतील. नोकरीत साहेब जितके विचारतील तितकेच बोला. संध्याकाळी लवकर घर गाठा.
कर्क (शुभ रंग- पांढरा)
दूरच्या प्रवासात झालेल्या काही नव्या ओळखी पुढील काळात व्यवसाय वृद्धीच्या दृष्टीने फायदेशीर ठरतील ज्येष्ठ मंडळी आज तीर्थयात्रेचे बेत आखतील.
सिंह (शुभ रंग- मोरपंखी )
महत्त्वाच्या कामात आज थोडेफार अडथळे येतील. आज आपल्या आवाक्या बाहेरच्या जबाबदाऱ्या स्वीकारूच नका. मोठ्या रकमेची नियान करताना सावध असावे. आज ताकही फुंकून प्यावे.
कन्या ( शुभ रंग- हिरवा )
उद्योगधंद्याच्या ठिकाणी अनुकूल वातावरण असेल. आज समोर येणारी प्रत्येक व्यक्ती तुमच्या प्रभावात असेल. वैवाहिक जीवनात जोडीदाराच्या मताने घेणेच हिताचे राहील.
Raj Thackeray : शिवसेना, धनुष्यबाण माझा की तुझा वाद पाहून वेदना झाल्या – राज ठाकरे
तूळ ( शुभ रंग- लाल)
नोकरदारांना अधिकारी वर्गाकडून चांगली वागणूक मिळेल. कार्यक्षेत्रात तुम्हाला पूर्वी केलेल्या कष्टांचे फळ मिळेल. कामाच्या व्यापात तब्येतीच्या तक्रारी दुर्लक्षित करू नका.
वृश्चिक (शुभ रंग- मरून)
उच्चशिक्षित मंडळींच्या महत्त्वाकांक्षा व अपेक्षा वाढतील. आज तुमचा उच्च राहणीमानाकडे कल असेल. नवविवाहित मंडळींना बाळाच्या आगमनाची चाहूल लागेल.
धनु- (शुभ रंग- केशरी)
बरेच दिवसांपासून दुर्लक्षित झालेल्या घरगुती कामांकडे आज लक्ष देणे गरजेचे आहे. मुलांचे लाड आवरते घेऊन त्यांच्या शिस्तीकडेही लक्ष द्यावे लागणार आहे. गृहिणी मुलांच्या अभ्यासात डोकवतील.
मकर ( शुभ रंग- राखाडी )
तुमचा बराचसा वेळ आज रिकामटेकड्या गप्पा मारण्यात फुकट जाईल. तुमची काही गुपिते उघड होऊ शकतात. कमी बोलून आज फक्त कृतीस प्राधान्य देणे गरजेचे आहे.
कुंभ (शुभ रंग – आकाशी)
आज कुटुंबीयांच्या वाढत्या गरजा भागवण्यासाठी पैशाची कमतरता भासणार नाही. गृहिणी अनपेक्षितपणे येणाऱ्या पाहुण्यांची उठबस आनंदाने करतील.
मीन -(शुभ रंग – गुलाबी )
आज तुम्ही एखादी गोष्ट फारच मनाला लावून घ्याल. बरेच दिवसापासून गहाळ झालेली एखादी वस्तू आज अचानक सापडेल. आपल्या आवडत्या छंदास आज वेळ द्याल.
श्री जयंत कुलकर्णी.
ज्योतिष व वास्तु सल्लागार.
संपर्क 9689165424
