Todays Horoscope 24 September 2021 : जाणून घ्या आजचे राशीफळ
आजचे पंचांग – वार – शुक्रवार, दि. 24.09.2021
- शुभाशुभ विचार- 8 नंतर चांगला दिवस.
- आज विशेष — संकष्ट चतुर्थी.
- राहू काळ – सकाळी 10.30 ते 12.00.
- दिशा शूल – पश्चिमेस असेल.
- आजचे नक्षत्र – 08.54 पर्यंत अश्विनी नंतर भरणी.
- चंद्र राशी – मेष
______________________
आजचे राशी भविष्य –
मेष – ( शुभ रंग- जांभळा)
आज तुमच्या एखाद्या आवडत्या छंदातूनही तुम्हाला चांगली कमाई होईल. पैशाची अडचण दूर होईल. आज जोडीदाराचे मन जिंकाल. कार्यक्षेत्रात विरोधकांनाही आपलेसे कराल.
वृषभ – ( शुभ रंग- निळा)
व्यवसायातील अनेक अडचणींवर मात करूनही तुमच्या यशाची कमान चढती राहिल. खर्च कमी करून योग्य गुंतवणुकीस प्राधान्य द्याल. घरात थोरांशी मतभेद होऊ शकतात.
मिथुन – ( शुभ रंग – डाळिंबी)
आज तुमच्या कामातील उरक चांगला राहील जे मनी योजल ते तडीस न्याल. इतरांनाही कामात मदत कराल. गृहिणी कौटुंबिक प्रश्न सामंजस्याने सोडवतील.
कर्क – ( शुभ रंग- मोरपंखी)
नोकरदारांना वरिष्ठांकडून आज सन्मानाची वागणूक मिळेल. तुमच्या कार्य निष्ठेची दखल घेतली जाईल. आज तुमच्यासाठी अत्यंत व्यस्त दिवस असेल. कुटुंबीयांची मात्र नाराजी पत्करावी लागेल.
सिंह – ( शुभ रंग- गुलाबी)
मनसोक्त खर्च केला तरी ही पैशाची कमतरता भासणार नाही. आज दैव तुमच्या बाजूने असून तुमच्या प्रामाणिक प्रयत्नांना यश मात्र नक्की मिळेल. आज देवही नवसाला पावेल.
कन्या – (शुभ रंग- राखाडी)
आज कुणाकडूनही सहकार्याची अपेक्षा करू नका आज वेट अँड वॉच चे धोरण ठेवा अत्यंत कंटाळवाणा दिवस असून आज तुम्हाला एखाद्या सत्संगाची गरज भासेल.
तूळ – ( शुभ रंग – चंदेरी )
जोडीदाराकडून तुमच्या अपेक्षा पूर्ण होतील. गृहिणी चारचौघीत झालेल्या कौतुकाने आनंदित होतील. वक्ते आज व्यासपीठ गाजवतील. आज विरोधक माघार घेतील.
वृश्चिक – ( शुभ रंग – सोनेरी)
कार्यक्षेत्रात भावनेपेक्षा कर्तव्याला प्राधान्य देऊनच काही कठोर निर्णय घ्यावे लागतील. विद्यार्थ्यांस यश वाटते तेवढे सोपे नाही. ज्येष्ठांनी क्षुल्लक वाटणारी दुखणी ही अंगावर काढू नयेत.
धनु – (शुभ रंग – स्ट्रॉबेरी)
व्यवसायात उत्तम आर्थिक यश मिळेल. गरजूना आपण होऊन मदत कराल. आज तुम्हाला आवडत्या व्यक्तीचा सहवास लाभेल. विद्यार्थ्यांना स्पर्धेत यश मिळेल.
मकर – ( शुभ रंग- क्रीम)
आज तुम्ही आपल्या घरगुती गरजांवर लक्ष केंद्रित कराल. महिलांना गृहोद्योगातून चांगली कमाई होईल. मागण्या पूर्ण झाल्याने बच्चे कंपनी खुश असेल. आज उच्च राहणी व उच्च विचारसरणी या तत्वाने वागाल.
कुंभ – ( शुभ रंग- मरून )
आज तुम्हाला काही आरोग्यविषयक समस्यांना तोंड द्यावे लागेल. श्वसनाचे विकार असतील तर विशेष काळजी घ्या. शेजार्यांशी असलेले मतभेद सुसंवादाने दूर होतील.
मीन – ( शुभ रंग- मोतिया )
तुमचा उंची राहणीमानाकडे कल राहील. कार्यक्षेत्रात मान-सन्मान वाढेल. नवीन परिचय व्यवसाय वृद्धीच्या दृष्टीने फायदेशीर ठरतील. तुमच्या प्रामाणिक प्रयत्नांना दैव साथ देईल.
!! शुभम भवतु!!
श्री जयंत कुलकर्णी.
फोन 9689165424.
( ज्योतिषी व वास्तू सल्लागार)
