Today’s Horoscope 25 February 2021 : जाणून घ्या आजचे राशीफळ
एमपीसी न्यूज - आजचे पंचांग – वार – गुरुवार, दि.25 फेब्रुवारी 2021
- शुभाशुभ विचार – चांगला दिवस.
- आज विशेष – गुरुपुष्यामृत ( सूर्योदयापासून 13.17 पर्यंत.)
- राहू काळ – दुपारी 1.30 ते 3.00.
- दिशा शूल – दक्षिणेस असेल.
- आजचे नक्षत्र – पुष्य 13.17 पर्यंत नंतर अश्लेषा नक्षत्र.
- चंद्र राशी – कर्क.
आजचे राशीभविष्य
मेष – ( शुभ रंग- मरून)
तुमचे मनोबल उत्तम असेल, आवक पुरेशी असेल. वेळीच घेतलेले योग्य निर्णय व वेळेचे योग्य नियोजन यामुळे यशाचा मार्ग सोपा होईल.परिवारातील सदस्यांच्या गरजा वाढतच राहणार आहेत.
वृषभ – ( शुभ रंग -राखाडी)
नवीन झालेले परिचय फायदेशीर ठरतील. अति व्यस्ततेमुळे आज तुम्हाला परिवारासाठी वेळ देणे कठीण जाईल. तुमची काही गुपिते उघड होण्याची शक्यता आहे, कमीच बोला.
मिथुन – ( शुभ रंग- आकाशी)
आज पैशाची कमतरता जाणवणार नाही. आप्तस्वकीयात तुमच्या शब्दाचा मान राहील. जे काही मनात आणाल ते तडीस न्याल. भावंडांमध्ये मात्र क्षुल्लक कारणाने कटुता येण्याची शक्यता आहे.
कर्क – ( शुभ रंग- निळा)
हट्टीपणा सोडून आज संयमाने वागण्याची गरज आहे. जोडीदारास दिलेले शब्द पाळावे लागतील. काही मनाजोगत्या घटना उत्साह वाढवतील. तब्येतीच्या तक्रारी कमी होतील.
सिंह – ( शुभ रंग- चंदेरी)
आवक-जावक समान राहील. शब्द जपून वापरल्यास वाद टाळता येतील. खर्च मात्र आज टाळता येणार नाही. अति आत्मविश्‍वास मात्र घातक ठरेल. इतरांस मदत करताना आपली ही शिल्लक तपासा.
कन्या – ( शुभ रंग -पांढरा)
प्रतिष्ठितांच्या ओळखीतून काही तरी फायदा होईल. दिवस लाभाचा असून अनेक अवघड कामे आज सोपी होतील. काही भाग्यवान नव्या घराचा ताबा घेतील. कर्ज प्रस्ताव मंजूर होतील.
तूळ – (शुभ रंग- सोनेरी)
व्यवसायात प्रतिष्ठा सांभाळण्यासाठी उत्पादनांचा दर्जा वाढवावा लागेल. उद्दिष्टे पूर्ण करण्यासाठी कामाचे तासही वाढवावे लागतील. गृहिणींना क्षणभरही उसंत मिळणं कठीण आहे.
वृश्चिक – ( शुभरंग – स्ट्रॉबेरी)
आज केवळ स्वप्नरंजनापेक्षा कृतीस प्राधान्य देणे गरजेचे राहील. दैव तुमच्याच बाजूने असल्याने प्रामाणिक प्रयत्नांना यश नक्की मिळेल. कुणाला मोफत सल्ले देऊ नका.
धनु – (शुभ रंग -भगवा)
आज कायद्यात राहाल तर फायद्यात राहाल. वैवाहिक जीवनातील किरकोळ वाद फार ताणू नका. जोडीदारास फार प्रश्न न विचारणे हिताचे राहील. सासुरवाडी कडून काही लाभ संभवतो.
मकर – ( शुभ रंग -जांभळा)
व्यवसायात भागीदारांशी सलोखा राहील. आज इतरांच्या भानगडीत न पडता फक्त आपल्या ध्येयावर लक्ष केंद्रित करणेच हिताचे राहील. गृहिणींना विविध जाहिराती भुरळ घालतील. प्रवासात खोळंबा होईल.
कुंभ – ( शुभ रंग -गुलाबी)
नोकरदार मंडळी वरिष्ठांचे मूड सांभाळतील. अधिकारी वर्गास कामगारांच्या प्रश्‍नात लक्ष घालावे लागणार आहे. उच्चशिक्षितांना मोठ्या पॅकेजच्या नोकऱ्यांचे प्रस्ताव येतील.
मीन – (शुभ रंग- मोतीया)
तुमच्या कामातील उत्साह आज इतरांना प्रेरणा देईल. हौशी मंडळींना आज जीवाची मुंबई करण्यास पुरेसा पैसा उपलब्ध होईल. गृहिणींना आज मुलांच्या अभ्यासाकडे लक्ष द्यावेच लागणार आहे.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
