Today’s Horoscope 26 September 2020: जाणून घ्या आजचे राशीफळ
एमपीसी न्यूज - आजचे पंचांग…शनिवार, दिनांक…26 सप्टेंबर 2020
- शुभाशुभ… चांगला दिवस.
- आज विशेष … साधारण दिवस.
- राहूकाळ…..सकाळी 09.00 ते 10.30
- दिशा शूल… पूर्वेस असेल.
- नक्षत्र… उत्तराषाढा 19.26 पर्यंत नंतर श्रवण.
- आजची चंद्र राशी… मकर.
आजचे राशीभविष्य
मेष – (शुभ रंग – क्रीम)
कार्यक्षेत्रात वाढीव जबाबदाऱ्या आनंदाने स्वीकारून तुम्ही स्वतःचे वेगळे स्थान निर्माण करू शकाल. योग्य वेळी अधिकार वापरावेच लागणार आहेत.
वृषभ – (शुभरंग – स्ट्रॉबेरी)
महत्त्वाचे निर्णय घेताना द्विधा मनस्थिती होणार आहे. नवीन व्यावसायिकांनी आर्थिक धाडस टाळावे. कामाच्या व्यापात आज तब्येतीकडे दुर्लक्ष होईल.
मिथुन – (शुभ रंग- हिरवा )
आज अतिआक्रमकता नुकसानास कारणीभूत होईल. कार्यक्षेत्रात सावधगिरीने पावले टाका. ताकही फुंकून प्यावे, असा आजचा दिवस. विश्वासातल्या माणसाकडून ही विश्वासघात संभवतो.
कर्क – (शुभ रंग- पांढरा)
आज व्यापाऱ्यांसाठी उत्तम दिवस. दुकानदारांच्या गल्ल्यात लक्षणीय वाढ होईल. महत्वाच्या चर्चा सकारात्मकतेने पार पडतील. वैवाहिक जीवनात गोडीगुलाबी राहील.
सिंह – (शुभ रंग -गुलाबी )
आपल्या कार्यक्षेत्रात हितशत्रूंच्या कारवाया वाढलेल्या आहेत. हाताखालच्या माणसांशी जुळवून घ्यावे लागणार आहे. काही शत्रू मित्रांमध्येच लपले असण्याची शक्यता आहे. सतर्क राहा.
कन्या – (शुभ रंग- सोनेरी )
कलेच्या क्षेत्रात काम करणाऱ्यांच्या महत्वाकांक्षा वाढतील. विद्यार्थ्यांना एखाद्या नवीन विषयात गोडी निर्माण होईल. गृहिणी घर सजावटीसाठी मौल्यवान वस्तूंची खरेदी करतील.
तूळ – (शुभरंग – मोतिया)
आपले कौटुंबिक जीवन समाधानी असेल. तुम्ही घराबाहेरही आपल्या कर्तृत्वाचा ठसा उमटवू शकाल. विद्यार्थी मान मोडून अभ्यास करतील. गृहिणींना माहेरची ओढ लागेल.
वृश्चिक – (शुभ रंग -मोरपंखी )
आज तुमचा बराचवेळ घराबाहेरच जाणार आहे. बेरोजगारांना रोजगार प्राप्त होईल. आज भावंडांमध्ये सामंजस्य राहील. जवळपासचे प्रवास घडण्याची शक्यता आहे.
धनु – (शुभ रंग- जांभळा)
कार्यक्षेत्रातील पूर्वीच्या श्रमाचे चीज होईल. दुरावलेली काही नाती जवळ येतील. नेतेमंडळींचा जनमानसावर प्रभाव राहील. खिशात पैसा खेळता असल्याने मनासारखी चैन करता येईल.
मकर – (शुभ रंग – चंदेरी)
तरुणांनी आज मौजमजा करताना कायद्याचे भान ठेवणे गरजेचे आहे. आवक पुरेशी असली तरी बचतीस प्राधान्य द्यायला हवे. नवीन झालेले परिचय भविष्याच्या दृष्टीने फायदेशीर ठरतील.
कुंभ – (शुभ रंग – नारिंगी)
व्यवसायात स्पर्धेस तोंड देण्यासाठी अथक परिश्रमाची तयारी ठेवायला हवी. आज तुम्हाला काही कर्जाचे हफ्ते फेडावे लागणार आहेत. घरात वडिलधाऱ्या मंडळींचे उपदेश चालूच राहतील.
मीन – (शुभ रंग- केशरी)
तुमच्यासाठी इच्छापूर्तीचा असा हा आजचा दिवस सत्कारणी लावा. कौटुंबिक सदस्यांत सामंजस्याची भावना राहील. विवाहाच्या प्रतीक्षेत असाल तर योग्य स्थळांचे प्रस्ताव येतील.
!! शुभं भवतु!!
– जयंत कुलकर्णी
फोन. 96891 65424
(ज्योतिष व वास्तु सल्लागार)
