Today’s Horoscope 28 December 2020: जाणून घ्या आजचे राशीफळ
एमपीसी न्यूज - आजचे पंचांग – वार सोमवार …. दि. 28 डिसेंबर 2020
- शुभाशुभ विचार –सामान्य दिवस.
- आज विशेष — साधारण दिवस.
- राहू काळ – सकाळी ७.३० ते ९.००.
- दिशा शूल – पूर्वेस असेल.
- आजचे नक्षत्र – रोहिणी १५.३९ पर्यंत नंतर मृग.
- चंद्र राशी – वृषभ.
आजचे राशीभविष्य
मेष – ( शुभ रंग – सोनेरी)
कार्यक्षेत्रात विरोधकांचा विरोध मावळेल. नवीन चांगले हितसंबंध निर्माण होतील. पुरेशी बचत करू शकाल. लहान भावास कदाचित तुमच्या मदतीची गरज भासेल.
.
वृषभ – ( शुभ रंग- राखाडी)
आज काही मनाजोगत्या घटना घडल्याने तुमचा कार्य उत्साह वाढेल. महत्त्वाच्या चर्चेत अग्रेसर राहाल आज कुणी केलेल्या खोट्या स्तुतीनेहि तुम्ही भारावून जाल.
मिथुन – ( शुभ रंग- हिरवा)
नवीन व्यावसायिकांनी आर्थिक धाडस करताना आपली कुवत ओळखावी गुंतवणूक करतानाही तज्ञांचा सल्ला अवश्य घ्यावा. आज कर्ज प्रस्ताव रखडणार आहेत.
कर्क – ( शुभ रंग- पांढरा)
योग्य वेळी घेतलेले अचूक निर्णय व वेळेचे योग्य नियोजन, याच्या जोरावर प्रगतीचे मार्ग प्रशस्त होतील. ध्येयाकडे यशस्वी वाटचाल कराल. व्यवसाय वृद्धीसाठी प्रवास घडतील.
सिंह – ( शुभ रंग- गुलाबी)
आज ऐकावे जनाचे करावे मनाचे हेच धोरण हिताचे राहील. तुमचा आत्मविश्वास व स्वावलंबन कामी येईल. विरोधक ही आता मैत्रीचा हात पुढे करणार आहेत. आज तुमच्यासाठी इच्छापूर्तीचा दिवस
कन्या – (शुभ रंग- चंदेरी)
नोकरीत वरिष्ठ आपल्यावर खूष आहेत अशा भ्रमात राहू नका. हाताखालच्या लोकांशीही मैत्रिपूर्ण संबंध असणे गरजेचे आहे. ज्येष्ठ मंडळींनी उपासनेत खंड पडू देऊ नये.
तुळ – ( शुभ रंग- निळा)
कुणालाही मागितल्याशिवाय सल्ले द्यायच्या भानगडीत पडू नका. आज काही मनस्ताप देणाऱ्या घटना घडणार आहेत. कोणतीही रिस्क नको. आज देव गाऱ्हाणे ऐकेल.
.
वृश्चिक – (शुभ रंग- क्रीम)
कोणत्याही क्षेत्रात असला तरी आज स्पर्धा अटळ आहे. खेळाडूंनाही अटीतटीची झुंज द्यावी लागणार आहे. झटपट लाभाचा मोह परवडणार नाही.
धनु – (शुभ रंग स्ट्रॉबेरी)
बेरोजगारांच्या भटकंतीस यश येईल. कामगार वर्गाच्या रास्त मागण्या मान्य होतील. आज दगदग टाळा. वैवाहिक जीवनात सामंजस्याचे वातावरण राहील.
मकर – (शुभ रंग – मरून )
विविध मार्गाने आलेला पैसा विविध मार्गाने जाईल. आज सहकुटुंब मनोरंजनाच्या कार्यक्रमाचा आस्वाद घ्याल. कदाचित संध्याकाळी डॉक्टरांची भेट घ्यावी लागेल.
कुंभ – (शुभ रंग- जांभळा)
कौटुंबिक सदस्यांत सामंजस्याची भावना राहील. गृहिणी आज स्वतःच्या आवडीस प्राधान्य देतील. मुले पूर्णपणे पालकांच्या आज्ञेत राहतील. अनुकूल दिवस.
मीन – (शुभ रंग- मोरपंखी)
दैनंदिन कामाचा कंटाळा येईल. इतरांना न जमणारे असे काहीतरी वेगळेच करण्याकडे आज तुमचा कल राहील. आज आईच्या प्रकृतीची विचारपूस करा.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
