Todays Horoscope 3 January 2022 : जाणून घ्या आजचे राशीफळ
आजचे पंचांग – वार सोमवार, दि. 03.01.2022
- शुभाशुभ विचार — चांगला दिवस.
- आज विशेष – सामान्य दिवस.
- राहू काळ – सकाळी 07.30 ते 09.00.
- दिशा शूल – पूर्वेस असेल.
- आजचे नक्षत्र – पूर्वाषाढा 13.33 पर्यंत, नंतर उत्तराषाढा.
- चंद्र राशी – धनु 18.52 पर्यंत नंतर मकर.
—————————————
आजचे राशीभविष्य –
मेष – ( शुभ रंग -निळा)
कामाच्या ठिकाणी काही अडचणींचा सामना करावा लागेल. कितीही राबलात तरी वरिष्ठांचे समाधान होणे आज शक्य नाही. आजी-आजोबांनी फार खोलात न शिरता नामस्मरणात रमावे.
वृषभ- ( शुभ रंग- निळा)
विरोधक सक्रिय असताना कामात चुका होणार नाहीत याची काळजी घ्या. कोणाकडून कसली अपेक्षा ठेवू नका. महत्वाच्या चर्चा व बैठकी उद्यावर ढकला.
मिथुन- ( शुभ रंग- गुलाबी)
समोरच्या व्यक्तीवर तुमच्या आकर्षक व्यक्तिमत्त्वाचा प्रभाव पडेल. कार्यक्षेत्रात तुमच्या नेतृत्वगुणांना वाव मिळेल. तुमच्यातील सकारात्मकता ईतरांस प्रभावित करेल. पत्नीचे मूड सांभाळावे लागतील
कर्क- ( शुभ रंग- हिरवा)
आज तुम्हाला काही डोक्याला ताप देणारी मंडळी भेटू शकतात. मानसिक संतुलन ढळू न देणे गरजेचे आहे. कुणाकडे सल्ले मागायला जाऊच नका. आपल्या आरोग्याची मात्र काळजी घ्या व्यसनांपासून दूर रहा.
सिंह – ( शुभ रंग – मोतिया)
नेहमीच्या त्याच त्या कामाचा कंटाळा येईल. हौशी मंडळी तर आज चक्क कामावर दांडी मारून जीवाची मुंबई करतील. आज तुमचा चैन करण्याकडे कल राहील. पुरेसा पैसाही उपलब्ध होईल.
कन्या – ( शुभ रंग – लाल )
आज मुलांची अभ्यासातील प्रगती कौतुकास्पद राहील. सासूबाईंनी केलेल्या कौतुकामुळे गृहणी सुखावतील. काही भाग्यवंतांना नव्या घराच्या चाव्या मिळतील.
तुळ – (शुभ रंग -आकाशी)
आज तुम्हाला एखाद्या अर्जंट कामासाठी अचानक प्रवास घडण्याची शक्यता आहे. घराबाहेर डोके शांत ठेवा. वाद टाळा. शेजारी आज फारच गोड गोड बोलतील.
वृश्चिक ( शुभ रंग – स्ट्रॉबेरी )
तुमची आर्थिक कुवत वाढणार आहे. मानसिक स्थिती चांगली असल्याने तुमची कार्यक्षमताही चांगली असेल. नेत्यांची भाषणे प्रभावी होतील. प्रवास मात्र कंटाळवाणे होतील.
धनु – (शुभ रंग- जांभळा)
तुमची मते सगळ्यांना पटतीलच असे नाही. एखाद्या प्रश्‍नात सामंजस्याने मार्ग काढावा लागेल. पत्नीचे सल्ले डावलू नका. श्वसनाचे विकार असतील तर काळजी घ्या.
मकर -( शुभ रंग- भगवा)
असा एखादा खर्च उद्भवेल कि जो टाळता येणे शक्य नाही. घरातील थोरांचे ही सल्ले विचारात घेणे आवश्यक राहील. ज्येष्ठ मंडळींनी अती दगदग टाळावी. आज थकवा जाणवेल.
कुंभ – ( शुभ रंग- मरून)
व्यापाराची मंदावलेली गाडी पुन्हा वेग घेईल. संतती बाबत काही आनंददायी घटना घडतील. जे मनी योजाल ते तडीस न्याल. गर्भवतींना मनोवांछित संतती चा लाभ होईल.
मीन – ( शुभ रंग – नारंगी)
कामधंद्याच्या ठिकाणी तुमचे महत्त्व वाढेल इतरांना जे अशक्य ते तुम्ही शक्य करून दाखवाल. आज तुमच्यासाठी यशदायी दिवस आहे. ध्येयाकडे यशस्वी वाटचाल कराल.
