Today’s Horoscope 30 August 2021 : जाणून घ्या आजचे राशीफळ
एमपीसी न्यूज - आजचे पंचांग वार – सोमवार, दि. 30 ऑगस्ट 2021
- शुभाशुभ विचार – चांगला दिवस.
- आज विशेष – श्रीकृष्ण जयंती.
- राहू काळ – सकाळी 7.30 ते 9.00.
- दिशा शूल – पूर्वेस असेल.
- आजचे नक्षत्र – कृतिका 06.39 पर्यंत नंतर रोहिणी.
- चंद्र राशी – वृषभ.
_______________________
आजचे राशीभविष्य
मेष – ( शुभ रंग- चंदेरी)
मित्रमंडळीत तुमच्या शब्दास मान राहील उच्चशिक्षितांना मोठ्या पॅकेजच्या नोकऱ्यांचे प्रस्ताव येतील. आज काही येणी असतील तर वसूल होतील. प्रिय पाहुण्यांचे घरी आगमन होईल.
वृषभ ( शुभ रंग -पिस्ता)
अविश्रांत मेहनतीच्या जोरावर ध्येयाकडे तुमची वाटचाल सुरूच राहील. तुमचा कामातील उरक चांगला राहील तब्येत उत्तम राहील. मुले मन लावून अभ्यास करतील.
मिथुन (शुभ रंग- गुलाबी)
नोकरदारांवर कामाचा प्रचंड ताण राहील. कार्यक्षेत्रात काही मनाविरुद्ध घटना घडल्याने नैराश्य येईल. आज वरिष्ठांशी नमते घ्यावे व सहकाऱ्यांशी जुळवून घ्यावे. व्यर्थ वाद टाळावेत.
कर्क (शुभ रंग- क्रीम)
आज कार्यक्षेत्रात बिकट प्रसंग सहज सोडवू शकाल. वैवाहिक जीवनात लाडिक रुसवे-फुगवे असतील. आज दोघात तिसऱ्या ला प्रवेश देऊ नका. काही रुसलेले आप्तस्वकीय जवळ येतील.
सिंह (शुभ रंग- मरून)
अनपेक्षितपणे काही रक्कम हाती येईल त्याचप्रमाणे खर्चाचेही विविध मार्ग खुणवतील. भावनेच्या भरात इतरांना दिलेले शब्द आता पाळावे लागणार आहेत. भावी योजना इतक्यात उघड करू नका.
कन्या (शुभ रंग- हिरवा)
काही महत्त्वाच्या कामास विलंब होईल बेरोजगारांची भ्रमंती चालूच राहणार आहे. हाती असलेल्या पैशाची उधळपट्टी नको. शब्द हे शस्त्र आहे याचे भान असू द्या. गरजेइतकेच बोला.
तूळ ( शुभ रंग- आकाशी)
कार्यक्षेत्रात पूर्वीच्या अथक परिश्रमाचे फळ दृष्टिक्षेपात येईल. कला-क्रीडा क्षेत्रातील मंडळींनी प्रयत्न वाढवायला हवेत. आज जे काही कराल ते तब्येतीला जपूनच करा.
वृश्चिक (शुभ रंग- स्ट्रॉबेरी)
अति दुनियादारी टाळून आज आपल्या संसारीक समस्यांवर लक्ष केंद्रित करणे गरजेचे आहे. काही अटीतटीच्या प्रसंगी जोडीदाराचे सल्ले उपयुक्त ठरतील. पत्नी आज घरी आतुरतेने वाट पाहत असेल.
धनु (शुभ रंग- केशरी)
काही जुन्या आरोग्याच्या तक्रारी डोके वर काढणार आहेत. पथ्य पाणी सांभाळा अन्यथा आजार बळावेल. धंद्यातील मोठे निर्णय भागीदारांना विश्वासात घेऊनच घ्या. नोकरदारांना ओव्हर टाईम करावे लागेल.
मकर (शुभ रंग -जांभळा)
आज तुम्ही आपल्याच धुंदीत व आपल्याच मस्तीत असाल. इतरांचे विचार समजून घेण्याची तुमची मानसिकताच नसेल. तरुणवर्गाने व्यसनांच्या आहारी जाऊ नये.
कुंभ (शुभ रंग -मोतीया)
आज तुमचा रिकाम्या चर्चेत व वादविवादात व्यर्थ वेळ फुकट जाईल. महत्त्वाची कामे दुर्लक्षित होतील. आज तब्येत जरा नरम-गरम राहील. गृहिणींना माहेरची ओढ लागेल.
मीन ( शुभ रंग- डाळिंबी)
आज एखाद्या मॉल मध्ये फेरफटका माराल. बिनधास्त खर्च कराल. चैन करण्यासाठी हाती पुरेसा पैसा असेल. आज बचतिचा विचारही करू नका. महत्त्वाचे दस्तऐवज मात्र सांभाळा.
