Today’s Horoscope 31 December 2022 – जाणून घ्या आजचे राशिभविष्य
- शुभाशुभ विचार- चांगला दिवस.
- आज विशेष- साधारण दिवस.
- राहू काळ – सकाळी 9.00 ते 10.30
- दिशा शूल – पूर्वेस असेल.
- आजचे नक्षत्र – रेवती 11.47 पर्यंत नंतर अश्विनी.
- चंद्र राशी – मीन 11.47 पर्यंत नंतर मेष.
—————————————-
मेष – (शुभ रंग- डाळिंबी)
कुठेही आपलेच खरे करण्याचा आज तुमचा प्रयत्न असेल. काही किरकोळ गोष्टी वरूनही तुमचा राग अनावर होईल. महत्त्वाच्या चर्चेमध्ये आपले मत मांडण्याची घाई करू नका. इतरांचेही ऐकून घ्या.
वृषभ (शुभ रंग- केशरी)
नोकरीच्या शोधात असणाऱ्यांना घरापासून लांब रोजगार मिळेल. अधिकारी वर्गास ऑफिसच्या कामासाठी प्रवासास निघावे लागेल. दुकानदारांनी आज रोख उद्या उधार असा बोर्ड लावावा.
मिथुन (शुभ रंग- गुलाबी)
अत्यंत आनंदी व उत्साही असा आजचा दिवस असून आज काही दुरावलेली नाती जवळ येतील. काही भाग्यवान मंडळींना नवीन घराचा ताबा आज मिळू शकेल. तुमची अपुरी स्वप्न साकार होतील.
कर्क (शुभ रंग- जांभळा) Today’s Horoscope 31 December 2022
आज तुम्ही रिकामटेकड्या चर्चेपेक्षा फक्त कृतीस प्राधान्य देणे गरजेचे आहे. नोकरदारांना वरिष्ठांची मर्जी सांभाळावी लागेल. मित्रमंडळींना आज दोन हात दूरच ठेवा.
सिंह (शुभ रंग- पिस्ता)
नोकरदारांनी नोकरीच्या ठिकाणी असलेले नियम तंतोतंत पाळावेत. वरिष्ठांना खूश करण्यासाठी आज तारेवरची कसरत करावी लागणार आहे. ज्येष्ठांना मनःशांतीसाठी सत्संगाकडे वळावेच लागेल.
कन्या (शुभ रंग- स्ट्रॉबेरी)
आज आपल्या कुवती बाहेर मोठ्या आर्थिक उलाढाली न केलेल्या बऱ्या. सासुरवाडीकडून एखादा लाभ पदरात पडू शकतो. वैवाहिक जीवनातले वाद फार ताणू नका. जोडीदाराच्या हो ला हो करून विषय संपवा.
तूळ (शुभ रंग- भगवा)
भागीदारीच्या व्यवसायात देण्या-घेण्याचे व्यवहार चोख ठेवा. वैवाहिक जीवनात आज जुन्या फोटोंचा अल्बम चाळणे हिताचे राहील. दूरच्या प्रवासात काही वेळ खोळंबा संभवतो.
वृश्चिक (शुभ रंग- चंदेरी) Today’s Horoscope 31 December 2022
ध्येयप्राप्तीसाठी तुमचे अथक परिश्रम चालू असून तब्येतीकडे मात्र तुमचे दुर्लक्ष होत आहे. आज तुम्हाला विश्रांतीची नितांत आवश्यकता आहे. विद्यार्थ्यांना स्पर्धेत हमखास यश मिळू शकेल.
धनु- (शुभ रंग- पांढरा)
उच्च शिक्षण घेणाऱ्या विद्यार्थ्यांच्या महत्वाकांक्षा वाढतील. मुले पालकांच्या अपेक्षा पूर्ण करतील आज सहकुटुंब एखाद्या मनोरंजनाच्या कार्यक्रमाचा आस्वाद घ्याल. छान दिवस.
मकर (शुभ रंग- आकाशी)
आज तुमच्यासाठी गृहसौख्याचा दिवस असून कुठेही न जाता घरी आराम करावासा वाटेल. गृहिणी आज घर स्वच्छतेचे मनावर घेतील. मुलांच्या शिस्तीसही प्राधान्य द्यायला हवे.
कुंभ (शुभ रंग – निळा) Today’s Horoscope 31 December 2022
शेतीवाडी व स्थावर मालमत्तेचे मोठे व्यवहार आज टाळा. प्रवासात काही नवीन नाती जुळतील. आज काही अतिहुशार मंडळी ही संपर्कात येणार आहेत. डोके शांत ठेवणे गरजेचे आहे.
मीन -(शुभ रंग – पांढरा)
आज तुमची आर्थिक बाजू भक्कम असेल. गोड बोलून विरोधकांनाही तुम्ही आज आपलेसे कराल. नेत्यांची वक्तव्ये जनमानसांवर प्रभाव टाकतील आज आशादायी दिवस.
शुभम भवतु
– जयंत कुलकर्णी
ज्योतिष व वास्तु सल्लागार
संपर्क – 9689165424