Today’s Horoscope 31 January 2023 – जाणून घ्या आजचे राशिभविष्य

आजचे पंचांग –

वार – मंगळवार.

31.01.2023.

शुभाशुभ विचार – चांगला दिवस.

आज विशेष- साधारण दिवस.

राहू काळ – दुपारी 3.00  ते  4.30.

दिशा शूल – उत्तरेस असेल.

आजचे नक्षत्र- रोहिणी 24.39 पर्यंत, नंतर मृग.

चंद्र राशी – वृषभ.

मेष – ( शुभ रंग- पांढरा )

आज कार्यक्षेत्रात तुम्ही प्रभावी नेतृत्व कराल. व्यवसायात आवक मनासारखी राहील. नोकरीच्या ठिकाणी एखादी वाढीव जबाबदारी स्वीकारावी लागेल. यशदायी दिवस.

वृषभ (शुभ रंग- आकाशी )

आज कुठेही आपलीच मर्जी चालवण्याचा तुमचा प्रयत्न असेल आपला मोठेपणा जपण्यासाठी खर्चही कराल फारच सडेतोड बोलून कोणाच्या भावना दुखावू नका.

मिथुन ( शुभ रंग- जांभळा )

विदेशाशी संबंधित व्यवसाय उत्तम चालतील. वायफळ खर्चाचे प्रमाण वाढेल. कार्यालयीन कामासाठी दूरचे प्रवास घडतील. प्रवासात आपल्या आरोग्याची काळजी घ्या.

कर्क (शुभ रंग- सोनेरी )

व्यावसायिक उलाढाल वाढेल. आप्तसकीय व जिवलग मित्र तुमच्या शब्दास मान देतील. नवविवाहितांची स्वप्ने साकार होतील. दिवसाच्या उत्तरार्धात अनपेक्षित लाभ होतील.

सिंह (शुभ रंग- क्रीम )

कार्यक्षेत्रात वाढत्या स्पर्धेचा सामना करण्यासाठी तुम्ही सज्ज असाल. अधिकारी वर्गास अधिकार वापरावेच लागतील. आज कुसंगती पासून लांबच राहिलेले बरे.

कन्या ( शुभ रंग- लाल )

नोकरदारांना वरिष्ठांची मर्जी सांभाळणे अवघडच जाईल. उद्योगधंद्याच्या दृष्टीने काहीसा प्रतिकूल दिवस असून आज नास्तिक मंडळी ही देवाला एखादा नवस बोलतील.

तूळ ( शुभ रंग- मोरपंखी )

विवाह विषयक बोलणी उद्यावरच ढकला. आज जास्त लाभाच्या अशाने कुठेही असुरक्षित गुंतवणूक करू नका. आज धाडसाची कामे टाळावीत. झटपट लाभाचा मोह तर नकोच.

वृश्चिक (शुभ रंग- स्ट्रॉबेरी )

व्यवसायात वाढत्या स्पर्धेला तोंड देण्यासाठी तयार राहावे लागेल. कार्यक्षेत्रात काही आव्हानात्मक प्रसंगांना तोंड द्यावे लागणार आहे. पत्नीचे सल्ले आज डावलू नका.

धनु- (शुभ रंग- राखाडी )

नोकरदारांसाठी आज अनुकूल दिवस. वरिष्ठ आज तुमच्या मागण्यांचा सहानुभूतीपूर्वक विचार करतील. तुमची काही येणी असतील तर ती वसूल होण्याची शक्यता आहे.

मकर ( शुभ रंग- पिस्ता )

तरुण वर्गाचा आज हाऊस मौज करण्याकडे कल असेल. स्वतःची हाऊस भागवण्यासाठी खर्चही कराल. गृहिणी आज स्वतःसाठी वेळ काढतील. प्रकृती उत्तम साथ देईल.

कुंभ (शुभ रंग – हिरवा )

मुलांची अभ्यासात उत्तम प्रगती दिसून येईल. गृह उद्योग चांगले चालतील. गृहिणींना आज थोडा थकवा जाणवेल. नोकरदारांना ऑफिसला दांडी मारायचा मूड असेल.

मीन -(शुभ रंग – मरून )

साहित्यिक मंडळींकडून दर्जेदार लिखाण होईल गायक कलाकार प्रसिद्धीच्या झोतात येतील गृहिणी शेजारधर्म जपतील बेरोजगारांना नोकरीचे कॉल्स येतील.

शुभम भवतु.

श्री जयंत कुलकर्णी.

ज्योतिष व वास्तु सल्लागार.

संपर्क 9689165424