Today’s Horoscope 31 May 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 31 May 2023 – जाणून घ्या आजचे राशिभविष्य
आजचे पंचांग –
वार – बुधवार
31.05. 2023.
शुभाशुभ विचार- व्यातीपत वर्ज्य दिवस.
आज विशेष- निर्जला एकादशी.
राहू काळ – दुपारी 12.00 ते 1.30.
दिशा शूल – उत्तरेस असेल.
आजचे नक्षत्र – हस्त 6.00 पर्यंत नंतर चित्रा.
चंद्र राशी – कन्या 18.30 पर्यंत नंतर तूळ.
मेष – ( शुभ रंग- स्ट्रॉबेरी )
कला क्षेत्रातील मंडळींना वाढत्या स्पर्धेचा सामना करावा लागेल. आरोग्याच्या काही तक्रारी त्रस्त करतील. आज संध्याकाळी डॉक्टरांच्या भेटीचा योग दिसतो आहे.
वृषभ (शुभ रंग- पांढरा )
आज कुटुंबियांच्या वाढत्या मागण्या पुरवाव्या लागतील. विद्यार्थी आज उत्कृष्ट कामगिरी करतील. गृहिणींना अचानक येणाऱ्या पाहुण्यांची उठबस करावी लागणार आहे.
मिथुन ( शुभ रंग- सोनेरी )
सामाजिक कार्यकर्ते लोकांच्या आदरास पात्र होतील. आज तुम्ही गरजूस आवर्जून मदत कराल. इतरांची मने सांभाळाल. आज काही शुभ समाचार येणार आहे.
कर्क (शुभ रंग- आकाशी )
आवक पुरेशी असल्याने आज मनासारखा खर्च कराल. क्षुल्लक कारणावरून शेजारी रुसून बसतील. आज अति स्पष्ट वक्तेपणामुळे तुमचे काही हितचिंतक दुरावतील.
सिंह (शुभ रंग- हिरवा )
आज तुम्ही काहीसे लहरीपणाने वागाल कुणाचेही ऐकून घ्यायची तुमची तयारीच नसेल. उतावीळ पणाने घेतलेले आज काही निर्णय चुकतील. हातचे सोडून पळत्या मागे धावावेसे वाटेल पण तसे करू नका.
कन्या ( शुभ रंग- पिस्ता )
एखादी हरवलेली वस्तू गवसेल. आज तुम्ही स्वतःच्या व्यक्तिमत्व विकासावर भर द्याल. नवी वस्त्र खरेदी होईल. घरात थोरामोठ्यांच्या होला हो करा वाद वाढवू नका.
तूळ ( शुभ रंग- गुलाबी )
आज महत्त्वाच्या कामासाठी भटकंती होईल. अनावश्यक खर्चाचे प्रमाण वाढेल. अधिकारी वर्गास विदेश दौरे घडतील. हातचे सोडून मृगजला मागे धावणार आहात.
वृश्चिक (शुभ रंग- निळा)
नोकरीच्या ठिकाणी आज वरिष्ठ तुमच्या कामाची दखल घेतील. नव्या व्यावसायिकांचे कर्ज प्रस्ताव मंजूर होतील. कामाच्या व्यापात घरगुती समस्यांकडे तुमचे दुर्लक्ष होईल.
धनु- (शुभ रंग- राखाडी)
काही मनाविरुद्ध घडलेल्या घटनांनी तुम्हाला नैराश्य येईल. कार्यक्षेत्रात नवे उपक्रम सुरू करण्यासाठी आज दिवस योग्य नाही. वैवाहिक जीवनात काही सौम्य मतभेद चालायचेच.
मकर ( शुभ रंग- क्रीम )
आज तुमचा आध्यात्मिक मार्गाकडे ओढा असेल. काही नास्तिक मंडळीही देवाला एखादा नवस बोलतील. घरात एखादे धार्मिक कार्य करण्याचे बेत योजाल. दैवाची साथ राहील.
कुंभ (शुभ रंग – चंदेरी )
व्यवसायातील वाढत्या स्पर्धेने आज व्यावसायिक त्रस्त असतील. आज अडचणीच्या प्रसंगी पत्नीची मात्र खंबीर साथ राहील. कुटुंबास पुरेसा वेळ द्यायचा तुमचा प्रयत्न असेल.
मीन -(शुभ रंग – तांबडा )
धंद्यातील येणी वसूल होतील गोड बोलून आज तुम्ही आपल्या विरोधकांनाही आपलेसे कराल. जुनी दुखणी अंगावर काढू नका आज तुम्हाला विश्रांतीही गरजेची आहे.
शुभम भवतु
श्री जयंत कुलकर्णी.
ज्योतिष व वास्तु सल्लागार.
संपर्क-9689165424.
