Today’s Horoscope 06 August 2021 : जाणून घ्या आजचे राशीफळ
एमपीसी न्यूज – आजचे पंचांग. शुक्रवार 06 ऑगस्ट 2021
- शुभाशुभ विचार – वर्ज्य दिवस.
- आज विशेष — शिवरात्री.
- राहू काळ – सकाळी १०.३० ते १२.००.
- दिशा शूल – पश्चिमेस असेल.
- आजचे नक्षत्र – आर्द्रा ०६.३७ पर्यंत, नंतर पुनर्वसु.
- चंद्र राशी – मिथुन.
_______________________
आजचे राशी भविष्य-
मेष- (शुभ रंग- मोतिया)
आज महत्त्वाचे व्यावसायिक करार यशस्वी होतील. प्रवासात काही फायदेशीर ओळखी होतील. भावाभावात सामंजस्य राहील. आज काही महत्त्वाचे फोन येतील.
वृषभ – ( शुभ रंग- तांबडा)
कार्यक्षेत्रात मान सन्मान वाढेल अनपेक्षित होणारे लाभ मनाला दिलासा देतील. आज वक्त्यांची भाषणे प्रभावी होतील. आज प्रवास मात्र कंटाळवाणे होतील शक्यतो टाळा.
मिथुन – (शुभ रंग- पांढरा)
आज तुम्ही वाणीत गोडवा ठेवून विरोधकांनाही आपलेसे कराल. तुमचा उत्साह व कार्यक्षमताही वाढेल. कार्यक्षेत्र विस्तारेल. आज श्रमसाफल्याचे समाधान मिळेल.
कर्क – (शुभ रंग- क्रीम)
काही कौटुंबिक वाद असतील तर ते सुसंवादाने मिटू शकतील. अति महत्त्वाकांक्षांना थोडा ब्रेक लावून आपल्या तब्येतीकडे ही लक्ष द्यायला हवे. उधारी उसनवारी आज नको.
सिंह- ( शुभ रंग- हिरवा)
काही अनुकूल घटनांनी तुमच्या आत्मविश्वासात वृद्धी होईल. लॉक- डाऊन मुळे बराच काळ रखडलेली कामे मार्गी लागतील. जुन्या गुंतवणुकीतून मनाजोगता लाभ होईल.
कन्या- ( शुभ रंग – स्ट्रॉबेरी)
नोकरीच्या ठिकाणी तुमच्या अधिकारात वाढ होईल. वाढीव जबाबदाऱ्या मात्र टाळता येणार नाहीत. मित्र आज दिलेली आश्वासने अजिबात पाळणार नाहीत. अवलंबून राहू नका.
तुळ – ( शुभ रंग -आकाशी)
नोकरीच्या ठिकाणी इतरांच्या भानगडीत न पडता फक्त आपले काम बिनचूक कसे होईल यावर लक्ष देणे हिताचे राहील. ज्येष्ठ मंडळींनी उपासनेत खंड पडू देऊ नये. नास्तिक ही आज देवाला एखादा नवस ट्राय करतील.
वृश्चिक -( शुभ रंग – जांभळा)
काही मानापमानाच्या प्रसंगाना तोंड द्यावे लागेल. आज थोडी संयमाची कसोटी राहील. ड्रायव्हिंग सावधपणे करा. आज फक्त आपला स्वार्थ बघा, परमार्थ झेपणारा नाही.
धनु – ( शुभ रंग- निळा)
आज तुमची तब्येत जरी नरम असली तरी तुमच्या कामातील उत्साह दांडगा राहील. व्यवसायिकांची आवक उत्तम राहील. दूरच्या प्रवासात खोळंबा संभवतो.
मकर – ( शुभ रंग – चंदेरी)
आज दिवस जरी अनुकूल नसला तरी तुमची काही येणी असतील तर ती वसूल होतील. मामा मावशी यांच्याकडून काही शुभवर्तमान कळेल. पत्नी चे मूड जपावे लागतील.
कुंभ -( शुभ रंग -गुलाबी)
आज आर्थिक धाडस आवाक्याबाहेर नको. काही फसव्या संधी येऊ शकतात. हातचे सोडून मृगजळामागे धावण्या पूर्वी पूर्ण विचार करावा. आज तुमचा चैन करण्याकडे कल राहील.
मीन – ( शुभ रंग- भगवा)
उच्च राहणी -उच्च विचारसरणी या तत्त्वाने वागाल. ज्येष्ठ मंडळींना प्रकृती उत्तम साथ देईल. विद्यार्थ्यांची अभ्यासातील गोडी वाढेल. गृहिणींना शारीरिक थकवा जाणवेल.
!! शुभम भवतु!!
श्री जयंत कुलकर्णी.
फोन ९६८९१६५४२४
( ज्योतिषी व वास्तू सल्लागार)
