Pune : शहरात देखील राबविणार टीपी स्कीम

पालिकेत नव्याने समाविष्ट झालेल्या अकरा गावांमध्ये ‘टीपी स्कीम’ राबविणे शक्य आहे. तसेच नव्याने आणखी काही गावे पालिकेत समाविष्ट होणार आहेत. या गावांचाही विकास आराखडा तयार करण्यात येत असून ‘टीपी स्कीम’ राबविणे शक्य आहे. त्यासाठी ‘क्रिसेल’ या संस्थेने सादरीकरण तयार केले. केंद्रीय गृहनिर्माण आणि नागरी व्यवहार मंत्रालयाने ‘टीपी स्कीम’ आणि स्थानिक विकास आराखडा (लोकल एरिया प्लॅन) याविषयी स्वतंत्र धोरण तयार केले असून, त्याच्या अंमलबजावणीसाठी निवडलेल्या देशातील 25 शहरांमध्ये पुण्याचा समावेश आहे. या शहरांमधील 50 ते पाचशे हेक्टर परिसरामध्ये प्रायोगिक स्वरूपात ही योजना राबविण्यात येणार आहे.