Pimpri : अपयशाने खचून न जाता पुन्हा संघठन बांधणी करणे हीच नेहरू यांना श्रद्धांजली – सचिन साठे

एमपीसी  न्यूज – देशाचे पहिले पंतप्रधान पंडित जवाहरलाल नेहरू यांनी राष्ट्रपिता महात्मा गांधी यांच्या मार्गदर्शनाखाली भारत स्वातंत्र्य झाल्यानंतर देशाची उभारणी केली. घटनाकार भारतरत्न डॉ. बाबासाहेब आंबेडकर यांनी लिहिलेल्या भारतीय संविधानामुळे लोकशाही बळकट झाली. सतराव्या लोकसभेत काँग्रेसला अपेक्षित यश मिळाले नाही. या अपयशाने खचून न जाता राज्यातील आगामी विधानसभा निवडणुका डोळ्यासमोर ठेवून काँग्रेसच्या कार्यकर्त्यांनी संगठन बांधणीसाठी तयारीस लागावे. आगामी विधानसभेत काँग्रेसचा झेंडा विधानसभेवर फडकवावा हीच खरी पंडित जवाहरलाल नेहरू यांना श्रद्धांजली ठरेल, असे मत पिंपरी-चिंचवड शहर जिल्हा काँग्रेसचे अध्यक्ष सचिन साठे यांनी केले.

देशाचे पहिले पंतप्रधान पंडीत जवाहरलाल नेहरू यांच्या स्मृतीदिनानिमित्त प्राधिकरण निगडी येथे सचिन साठे यांच्या हस्ते सोमवारी (दि. 27) नेहरू यांच्या प्रतिमेस पुष्पहार अर्पण करण्यात आला. यावेळी सेवादलाचे राष्ट्रीय सचिव संग्राम तावडे, माजी नगरसेवक राजाभाऊ गोलांडे, भोसरी ब्लॉक अध्यक्ष विष्णुपंत नेवाळे, चिंचवड ब्लॉक अध्यक्ष परशुराम गुंजाळ, युवक काँग्रेसचे प्रदेश सरचिटणीस मयूर जयस्वाल, सेवादल अध्यक्ष मकरध्वज यादव, असंघटीत काँग्रेसचे शहराध्यक्ष सुंदर कांबळे, ओबीसी सेलचे शहराध्यक्ष किशोर कळसकर,

ज्येष्ठ नागरिक सेलचे शहराध्यक्ष लक्ष्मण रुपनर, शहर उपाध्यक्ष सज्जी वर्की, बिंदू तिवारी, विनिता तिवारी, एनएसयूआयचे माजी शहराध्यक्ष विशाल कसबे, भास्कर नारखेडे, शशिकांत कांबळे, निर्मल तिवारी, शेख महेताब इनामदार, अनिरुध्द कांबळे, हिरामण खवळे, चंद्रशेखर जाधव, दिलीप पांढरकर, विश्वनाथ खंडाळे, शितल कोतवाल, संतोष पांडे, विठ्ठल कळसे, विष्णू खरे, एस.विटकर, तुषार पाटील, हरीदास नायर, पांडुरंग जगताप, शशिकांत कांबळे, गुंगा क्षिरसागर आदी उपस्थित होते.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.