Chinchwad : खंडणी मागत तरुणाचे अपहरण करणा-या दोघांना अटक
एमपीसी न्यूज – तीन लाखांची खंडणी मागत तीन जणांनी मिळून तरुणाचे अपहरण केले. तरुणाकडून पैसे न मिळाल्याने आरोपींनी त्याला मारहाण करून सोडून दिले. ही घटना गुरुवारी (दि. 18) दुपारी साडेतीनच्या सुमारास चिंचवड येथे घडली. या प्रकरणातील दोन जणांना चिंचवड पोलिसांनी अटक केली.
चंद्रकांत महादेव कांबळे (वय 27, रा. लिंक रोड), अभिजित राजेंद्र इंगवले (वय 24, रा. पिंपरी) अशी अटक केलेल्या आरोपींची नावे आहेत. यशवंत ताडीवाल आणि अन्य एकजण अद्याप फरार आहेत. ओंकार ज्ञानदेव वटाणे (वय 24, रा. चिंचवड), असे अपहरण आणि सुटका झालेल्या तरुणाचे नाव आहे. त्याने या प्रकरणी चिंचवड पोलीस ठाण्यात फिर्याद दिली.