Pimpri : महायुतीच्या प्रचाराचा नारळ उद्धव ठाकरे यांच्या हस्ते शुक्रवारी पिंपरीत फुटणार
एमपीसी न्यूज – महायुतीच्या उमेदवारांच्या प्रचारासाठी शिवसेनापक्षप्रमुख उद्धव ठाकरे यांची जाहीर सभा येत्या शुक्रवारी (ता. ११) पिंपरी येथे होत आहे.
पिंपरी येथील आंबेडकर पुतळ्यामागील मैदानात सायंकाळी सहा वाजता या सभेचे आयोजन करण्यात आले आहे. पिंपरी विधानसभा मतदारसंघाचे शिवसेना उमेदवार ॲड. गौतम चाबुकस्वार, चिंचवड व भोसरी मतदारसंघाचे भाजप उमेदवार अनुक्रमे लक्ष्मण जगताप व महेश लांडगे या महायुतीच्या तीनही उमेदवारांच्या संयुक्त प्रचाराचा नारळ ठाकरे यावेळी फोडणार असल्याची माहिती शिवसेनेचे जिल्हाप्रमुख गजानन चिंचवडे यांनी आज दिली.
