US H1B & H4 Visa: व्हिसा निलंबित करण्याच्या निर्णयामुळे काही लाख भारतीयांच्या नोकऱ्यांवर गदा
US H1B & H4 Visa: Trump administration's decision to suspend visas will have to loose jobs for many more Indians या निर्णयामुळे अमेरिकन कामगारांना 525,000 नोकर्या मिळतील, असा दावा ट्रम्प प्रशासनाने केला आहे. 'गुगल'चे सीईओ सुंदर पिचाई निर्णयावर नाराज
एमपीसी न्यूज – ट्रम्प प्रशासनाने सोमवारी सर्व H1B आणि H4 (H1B पती-पत्नीसाठी) परदेशी लोकांचे अनेक कार्यरत व्हिसा निलंबित केले. त्यांचे निलंबन वर्षअखेरपर्यंत वैध असेल. ट्रम्प प्रशासनाने L1 व्हिसा (कंपनीअंतर्गत बदलीसाठी) आणि J1 व्हिसा (डॉक्टर आणि संशोधकांद्वारे मोठ्या प्रमाणात वापरल्या गेलेल्या) देखील निलंबित केले आहेत.
अमेरिकन कामगारांच्या हितासाठी हा निर्णय घेतल्याचा दावा करण्यात आला आहे. या निर्णयामुळे अमेरिकेतील काही लाख भारतीयांच्या नोकऱ्यांवर गदा येण्याचा धोका आहे.
याबाबत माहिती देताना ट्रम्प प्रशासनाच्या वरिष्ठ अधिकाऱ्याने पत्रकारांना सांगितले की, राष्ट्राध्यक्ष डोनाल्ड ट्रम्प यांनी कार्यकारी आदेशाद्वारे केलेले हे उपाय तात्पुरते असतील आणि यामुळे अमेरिकन कामगारांना सुमारे सव्वापाच लाख नोकर्या मिळतील.
वरिष्ठ अधिकाऱ्याच्या म्हणण्यानुसार, ट्रम्प प्रशासनाने व्हिसा धोरणात सर्वसमावेशक सुधारणा करण्याच्या सूचनाही जारी केल्या आहेत, त्यामुळे सध्याच्या लॉटरी प्रणालीची जागा 85 हजार H1B व्हिसासाठी गुणवत्तेवर आधारित प्रणाली घेणार आहे. त्यामुळे वेतन पातळी आणि कौशल्य पातळी या दोघांचीही प्रगती होईल. यामुळे प्रवेश-स्तरीय नोकऱ्यांसाठी अमेरिकन लोकांशी होणारी स्पर्धा देखील दूर होईल. अध्यक्षांनी असेही सांगितले आहे की, नोकरीचे आउटसोर्सिंग सक्षम करणाऱ्या सर्व त्रुटी दूर केल्या पाहिजेत.
‘गुगल’चे सीईओ सुंदर पिचाई निर्णयावर नाराज
इमिग्रेशनने अमेरिकेच्या आर्थिक यशस्वीतेत मोठे योगदान दिले आहे, यामुळे ते तंत्रज्ञानामध्ये जागतिक अग्रणी बनले आहे आणि आजची कंपनी गुगल देखील आहे. आजच्या घोषणेमुळे निराश – आम्ही स्थलांतरितांबरोबर उभे राहू आणि सर्वांसाठी संधी विस्तृत करण्याचे कार्य करू, असे ट्वीट गुगलचे मुख्य कार्यकारी अधिकारी सुंदर पिचाई यांनी केले आहे.
Immigration has contributed immensely to America’s economic success, making it a global leader in tech, and also Google the company it is today. Disappointed by today’s proclamation – we’ll continue to stand with immigrants and work to expand opportunity for all.
— Sundar Pichai (@sundarpichai) June 22, 2020