Vadgaon Maval : ज्योती नलावडे ठरल्या सेल्फी काँटेस्टच्या “महादुर्गा”
एमपीसी न्यूज- एसआरएम महिला फांऊडेशन व नगरसेविका सायली रुपेश म्हाळसकर यांच्या वतीने नुकत्याच नवरात्री उत्सवादरम्यान घेण्यात आलेल्या मी दुर्गा बेस्ट सेल्फी अँन्ड टिकटॉक कॉन्टेस्ट -2019 स्पर्धेत ज्योती नलावडे ठरल्या सेल्फी काँटेस्टच्या “महादुर्गा”. या स्पर्धेचा पारितोषिक वितरण सोहळा मावळगड कार्यालय येथे रविवारी (दि. 13) मोठ्या उत्साहात पार पडला.
नवरात्री उत्सवादरम्यान देवीने परीधान केलेल्या ९ रंगाच्या ९ वेगवेगळ्या साड्या परिधान करून स्पर्धकांनी आपला आकर्षक सेल्फि व टिकटॉक व्हिडीओ पाठवून सहभाग नोंदवला होता.
यावेळी विशाखा लोंढे, शुभांगी महाजन, निरमा राजपुत, भाग्यश्री कराळे, निशा सरोदे, ज्योती नलावडे, अश्विनी दानवले, सुनीता तरळकर व राधा कारंडे या स्पर्धेतील 9 दिवसांच्या 9 दुर्गा विजेत्या ठरल्या तर या 9 दुर्गा स्पर्धकांमधून लकी ड्रॉ पद्धतीने “ज्योती नलावडे या 2019 -महादुर्गा ” विजेत्या ठरल्या. सर्व विजेत्यांना यावेळी सोन्याची नथ, ट्रॉफी, पुष्पगुच्छ ,प्रमाणपत्र देऊन गौरविण्यात आले. तर बेस्ट टिक -टॉक व्हिडोओ कॉन्टेस्ट -2019 च्या राधा कारंडे या प्रथम तर कल्याणी गायकवाड द्वितीय व सपना खंडेलवाल तृतीय क्रमांकाच्या मानकरी ठरल्या. त्यांना ट्रॉफी व पुष्पगुच्छ देऊन सन्मानित करण्यात आले. यावेळी स्पर्धेत सहभाग घेतलेल्या स्पर्धकांना आकर्षक भेटवस्तु व प्रमाणपत्र देऊन सन्मानित करण्यात आले
या समारंभास वडगाव नगरपंचायतच्या नगरसेविका पूनम जाधव, शारदा ढोरे , जिजाबाई आगळे तसेच महिला व नागरिक मोठ्या संख्येने उपस्थित होते.
स्पर्धेचे आयोजन सुषमा म्हाळसकर, मोहिनी म्हाळसकर, वर्षा म्हाळसकर, ज्योती शेलार, नेहा म्हाळसकर, आरती म्हाळसकर, साक्षी म्हाळसकर, पल्लवी वारींगे यांनी केले.