Alandi : पालखी सोहळ्या निमित्त अलंकापुरीमध्ये वारकरी भाविकांची येण्यास सुरुवात

महिला भाविक तेथील वारकरी भाविकांसाठी स्वयंपाक करताना दिसून येत आहेत. काही  ग्रंथ वाचण्यात  दंग दिसून येत आहेत तर काही गप्पा गोष्टीत दंग आहेत. काही भाविक विश्रांती घेताना दिसून येत आहेत.

सिध्दबेटमध्ये अजान वृक्षाखाली शीतल छायेत काही भाविक पारायण करत आहे, सिध्दबेट ही भूमी संत निवृत्ती, संत ज्ञानेश्वर, संत सोपान व संत मुक्ताई यांची वास्तव भूमी, कर्मभूमी आहे. तिच्या दर्शनासाठी भाविक येतात. प्रदक्षिणा रस्त्यावरील अखिल मंडई मंडळ (माऊलींच्या भिंती शेजारील) धर्मशाळेत संत ज्ञानेश्वर महाराजांच्या पाठीवर मुक्ताई ने मांडे भाजलेले मूर्ती  आहे. तिच्या दर्शनासाठी ही भाविक येत आहेत. तसेच, आळंदी मधील तुळशी, हार , फुलांची, वारकरी साहित्य मृदुंग,वीणा, टाळ, पेटी ग्रंथ साहित्य इ.विविध दुकाने सजलेली दिसून येत आहेत.