Wakad News : टाटा आणि पुणे मेट्रोच्या आरोग्य शिबिरात 41 जणांचे रक्तदान
एमपीसी न्यूज – टाटा आणि पुणे मेट्रो यांच्या संयुक्त विद्यमाने आयोजित केलेल्या शिबिरात 41 जणांनी रक्तदान केलं आहे. शनिवारी (दि. 06) येथे भुमकर चौक, वाकड याठिकाणी हे आरोग्य शिबिर पार पडले.
सुरक्षा सप्ताह निमित्त टाटा प्रोजेक्ट आणि पुणे मेट्रो यांच्या संयुक्त विद्यमाने कर्मचाऱ्यांसाठी आरोग्य तपासणी व रक्तदान शिबीर आयोजित करण्यात आले होतं. राज्यातील रक्ताचा तुटवडा लक्षात घेता या शिबिराचे आयोजन केले होते. या शिबिरात कर्मचा-यांची मोफत आरोग्य तपासणी करण्यात आली. तसेच, 41 जणांनी रक्तदान केलं. थेरगाव सोशल फाउंडेशनच्या सहकार्याने हा कार्यक्रम पार पडला.
