Wakad News: सामाजिक आणि आर्थिक विकासात स्टार्टअप्सची भूमिका महत्त्वाची – आयुक्त शेखर सिंह
एमपीसी न्यूज – समाजामध्ये प्रत्येक घटकांचा विकास हा (Wakad News) समतोल होणे आवश्यक आहे. सर्वांना रस्ते, पाणी इत्यादी मुलभूत सेवा मिळायलाच पाहिजेत. शाश्वत विकासाचे उद्दिष्ट डोळ्यासमोर ठेऊन सर्वांनी काम करणे आवश्यक असून विद्यार्थी जीवनापासूनच व्यक्ती, समाज आणि देश म्हणून आपण ज्या प्रश्नांना सामोरे जात आहोत, त्यावर आधारित कार्यक्षेत्र निवडल्यास आर्थिक प्रगती बरोबरच सामाजिक विकास देखील होईल, असे मत स्मार्ट सिटीचे मुख्य कार्यकारी अधिकारी शेखर सिंह यांनी व्यक्त केले.
युवकांमध्ये उद्योजक बनण्याची प्रेरणा निर्माण व्हावी, यासाठी महापालिकेच्या वतीने विविध उपक्रम राबविले जात आहेत. त्याअनुषंगाने पिंपरी-चिंचवड महापालिका, स्मार्ट सिटी आणि श्री बालाजी युनिव्हर्सिटी, पुणे यांच्या संयुक्त विद्यमाने ताथवडे कॅम्पस येथे गुरुवारी ‘लक्ष्यवेध’ उपक्रमांतर्गत आयोजित ‘स्टार्टअप उद्योजक’ या विषयावर मार्गदर्शन करताना ते बोलत होते. एसबीयुपीचे प्र-कुलगुरू आणि एसबीएसचे अध्यक्ष प्रा. बी. परमानंदन, मनपा माहिती व जनसंपर्क विभाग प्रमुख रविकिरण घोडके, रिसर्च अँड डेव्हलपमेंटचे विभाग प्रमुख डॉ. अनिल केसकर, रिसर्च अँड डेव्हलपमेंट उपविभाग प्रमुख डॉ. मनीषा पालीवाल, अस्पायर नॉलेज अँड स्किल्स इंडियाचे अध्यक्ष डॉ. संजय गांधी, बीआयएस ध्रुव व्हेंचर्सचे किशोर मिश्रा यांच्यासह स्मार्ट सिटीचे जनसंपर्क अधिकारी सोयम अस्वार, स्मार्ट सारथी टीमचे अभिजित पाठक, बिनिश सुरेंद्रन, आशिष चिकणे, जस्टीन मॅथ्थेव्ह, राहूल थोरात तसेच विद्यार्थी, प्राध्यापक उपस्थित होते.
Chinchwad News: चापेकर वाड्याचा पर्यटन विकास आराखड्यानुसार विकास करा – अश्विनी जगताप
दरम्यान, आयुक्त शेखर सिंह यांच्या हस्ते उद्योजकता विकास कक्षाचे उद्घाटन (Wakad News) करण्यात आले. तसेच पिंपरी- चिंचवड महापालिका आणि श्री बालाजी युनिव्हर्सिटी यांच्यात सिटीझन इंगेजमेंट, स्टार्टअप उपक्रमांविषयी च्या सामजंस्य करारावर स्वाक्ष-या करण्यात आल्या. डॉ. अनिल केसकर यांनी प्रास्ताविक केले. पिंपरी-चिंचवड महानगरपालिका आणि श्री बालाजी युनिव्हर्सिटी यांनी एकत्रितपणे सुरु केलेल्या उपक्रमाची त्यांनी माहिती दिली.
गांधी यांनी विद्यार्थ्यांनी नाविन्यपूर्ण संकल्पनांच्या आधारे स्टार्टअप सुरु करावेत, असे आवाहन केले. मनोज मिश्रा यांनी स्टार्टअप्सकरिता उपलब्ध करून देण्यात येणाऱ्या आर्थिक, कायदेशीर आणि अन्य सहाय्यतेविषयी माहिती दिली. विद्यार्थ्यांच्या विविध प्रश्नांचे निराकरण यावेळी करण्यात आले.
