Walhekarwadi: आयुष्यात आई-वडिलांना महत्वाचे स्थान द्या -सिंधुताई सपकाळ

वाल्हेकरवाडी परिसरातील विविध महिला बचत गटांची आर्थिक उन्नती व्हावी आणि महिलांचे सबलीकरण व सक्षमीकरण व्हावे या उद्देशाने या परिसरातील विविध महिला बचत गट, महिला महासंघ यांच्या वतीने एक दिवसीय महिला मेळाव्याचे आयोजन शुभम गार्डन येथे करण्यात आले होते. त्यावेळी सिंधुताई सपकाळ बोलत होत्या.

पुढे बोलताना सिंधुताई सपकाळ म्हणाल्या, “देशाच्या विकासात स्वातंत्र्यपूर्व काळापासून महिलांनी मोठे योगदान दिले आहे. त्यामुळे भारतात महिलांना मानाचे स्थान आहे. महिला सक्षमीकरणासाठी शासनासोबतच विविध समाजसेवी संस्था सर्व स्तरातून प्रयत्न करीत असून महिलांनीही पुढाकार घेऊन त्यांच्या हक्कासाठी लढले पाहिजे. त्यासाठी महिलांनी शिक्षण घेऊन स्वावलंबी होण्याची आवश्यकता असून महिलांनी देशाच्या विकासात योगदान द्यावे” शिक्षण घेऊन महिलांनी स्वत:ला मर्यादेत ठेवल्यास महिलांकडे बघण्याची जगाची दृष्टीकोल बदलेल असेही सिंधुताई सपकाळ यावेळी म्हणाल्या.

कार्यक्रमाचे प्रास्ताविक नगरसेवक मोरेश्वर भोंडवे यांनी केले तर सूत्रसंचालन संदीप साकोरे यांनी केले. जयश्री भोंडवे यांनी आभार मानले.