Pimpri : मधुमेहदिनानिमित्त रविवारी निगडीत वॉकेथॉन
एमपीसी न्यूज – जागतिक मधुमेह दिनानिमित्त रोटरी क्लब ऑफ निगडी, रोटरी क्लब ऑफ प्राधिकरण, आयएमए पीसीबी आणि सुप्रिम क्लिनिक आकुर्डी यांच्या संयुक्त विद्यामाने येत्या रविवारी (दि.18)निगडीत ‘वॉकेथॉन 2018’ चे आयोजन करण्यात आले आहे.
निगडी, प्राधिकरणातील स्वातंत्र्यवीर सावरकर सदन येथून रविवारी सकाळी साडेसहा वाजता ‘वॉकेथॉन’ला सुरुवात होणार आहे. तीन किलोमीटर अंतराचा वॉकेथॉन असणार आहे. वॉकेथॉनमध्ये सहभागी होणा-यांच्या रक्तातील साखरेची उपाशीपोटी आणि खाल्यानंतर तपासणी करण्यात येणार आहे.
याशिवाय बीपी आणि डोळ्यांची तपासणी देखील केली जाणार आहे. डॉ. विनायक व डॉ. मानसी हराळे हे नागरिकांना मधुमेहासंदर्भात माहिती देणार आहेत. तसेच त्यासंदर्भात प्रदर्शनदेखील आयोजित केले आहे.