Car theft: काच फोडून कार मधून सोन्याचे दागिने आणि रोख रक्कम चोरीला
एमपीसी न्यूज – कारच्या पाठीमागील बाजूची काच फोडून कार मधून सोन्याचे दागिने आणि रोख रक्कम असा 86 हजारांचा ऐवज चोरून नेला. ही घटना शनिवारी (दि. 12) दुपारी साडेबारा वाजेच्या सुमारास किवळे येथे घडली.
अजिंक्य बळवंत पैठणकर (वय 34, रा. किवळे, देहूरोड) यांनी याप्रकरणी देहूरोड पोलीस ठाण्यात फिर्याद दिली आहे. त्यानुसार अज्ञाताच्या विरोधात गुन्हा दाखल करण्यात आला आहे.
पोलिसांनी दिलेली माहितीनुसार, फिर्यादी अजिंक्य यांनी सामान आणण्यासाठी त्यांच्या मित्राची कार आणली होती. शनिवारी दुपारी सव्वाबारा ते साडेबारा वाजताच्या सुमारास त्यांनी घरासमोर लावलेल्या कारची मागील बाजूची काच अज्ञाताने फोडली. कार मधून 66 हजार रुपयांचे सोन्याचे दागिने आणि 20 हजार रुपये रोख रक्कम असलेली बॅग चोरट्याने चोरून नेली. अवघ्या 15 मिनिटात ही चोरी झाली. देहूरोड पोलीस तपास करीत आहेत.