Pimpri : किरकोळ कारणावरून पतीकडून पत्नी व मेहुणीला मारहाण
एमपीसी न्यूज : पाणी भरण्यासाठी इथे का आली म्हणत पतीकडून पत्नी व तिच्या बहिणीला मारहाण करत शिवीगाळ करण्यात आली आहे. हा प्रकार बुधवारी (दि.28) पिंपरी (Pimpri) येथे घडला.
Chinchwad : आषाढी एकादशीनिमित्त श्री फत्तेचंद जैन विद्यालयामध्ये अश्व रिंगण सोहळा
याप्रकरणी महिलेने पिंपरी (Pimpri) पोलीस ठाण्यात फिर्याद दिली असून तिचा पती (वय 25) व दोन महिला आरोपी सर्व राहणार पिंपरी यांच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांची बहीण राहते घरासमोर नळाला पाणी भरत असताना फिर्यादी यांचा पती तिथे आला व तू इथे काय करत आहेस तुला इथे कोणी बोलावलं आहे म्हणत त्याने फिर्यादीच्या बहिणीला शिवीगाळ केली.
तसेच आरोपीचे कुटुंबीय हे फिर्यादीच्या घरी आले व त्यांनी त्यांची बहीण व फिर्यादी यांना मारहाण करत शिवीगाळ केली व घरातून हाकलून देत घराला कुलूप लावले. यावेळी धक्काबुक्की मध्ये अश्लील वर्तन करत फिर्यादी यांचा विनयभंग झाल्याची तक्रार पिंपरी (Pimpri) पोलीस ठाण्यात देण्यात आली असून, पोलीस पुढील तपास करत आहेत.
