Pune : दिएगो ज्युनियर्स व दुर्गा एसएने पटकावले ॲस्पायर चषक फुटबॉल स्पर्धेचे विजेतेपद
एमपीसी न्यूज- दिएगो ज्युनिअर्स अ आणि दुर्गा एसए संघाने पहिल्या ॲस्पायर चषक 2023 फुटबॉल स्पर्धेचे विजेतेपद पटकावले. पिंपरी येतील डॉ. हेडगेवार मैदानावर पार पडलेल्या या स्पर्धेला बॅंक ऑफ महाराष्ट्राचा ( Pune ) पुरस्कार होता. पुणे जिल्हा फुटबॉल संघटनेच्या मान्यतेने ॲस्पायर इंडियाने या स्पर्धेचे आयोजन केले होते.
अव्वल प्रथम श्रेणी विभागातील अंतिम सामन्यात दिएगो ज्युनियर्स अ संगाने गनर्स एफसी संघाचे आव्हान एकमात्र गोलच्या जोरावर 1-0 असे मोडून काढले.सामन्यातील पूर्वार्ध गोलशून्य बरोबरीत सुटला होता. त्यानंतर उत्तरार्धात 48 व्या मिनिटाला शुभम महापदीने गनर्स एफसीचा गोलरक्षक बालाजी बदनेला सुरेख चकवले आणि जाळीचा वेध घेतला. ही आघाडी कायम राखत दिएगो संगाने विजेतेपदावर शिक्कामोर्तब केले. या गटात शुभमच सर्वाधिक गोल करणारा खेळाडू ठरला.
Pune : 21 बटूंचा सामुदायिक व्रतबंध सोहळा उत्साहात
द्वितीय-तृतीय श्रेणीच्या अंतिम लढतीत दुर्गा एस.ए. संघाने देखिल सिटी एफसी पुणे संघाचे आव्हान 1-0 अशाच फरकाने संपुष्टात आणले.
सामन्यातील एकमात्र निर्णायक गोल करण दुर्गाने 25 व्या मिनिटाला केला. चेंडू अडवताना गोलरक्षक रोहित नागरेला चेंडूवर ताबा मिळवता आला नाही. मैदानात परत आलेल्या चेंडूचा फायदा करणने अचूक उचलला.
स्पर्धेतील दोन्ही गटातील विजेत्या संघांना रोख 10 हजार रुपयाचे पारितोषिक मिळाले. उपविजेता संघ रोख 6 हजार रुपये पारितोषिकाचा मानकरी ठरला.कुमार गटातील पारितोषिक वितरण माजी नगरसेवक बाबू नायर आणि नितीन जोशी यांच्या हस्ते पार पडले. ॲस्पायर इंडियाचे सह संस्थापक श्रीकांत अय्यरप आणि ॲलॉईस फ्रान्झ ॲग्नर यांच्या हस्ते वरिष्ठ गटाचे पारितोषिक वितरण पार ( Pune ) पडले.
