Alandi : मराठा आंदोलकांवर लाठीचार्ज कोणी केला? सकल मराठा समाजाचा सवाल
एमपीसी न्यूज : आज आळंदीमध्ये (Alandi ) जालन्यातील अंतरवली सराटी येथील मराठा समाजातील आंदोलकांवर झालेल्या अमानुष लाठीचाराचा सकल मराठा परिवार, आळंदी शहर व समस्त ग्रामस्थ आळंदी देवाची यांच्या वतीने जाहीर निषेध व्यक्त करण्यात आला.
तसेच यावेळी राज्यसरकारच्या विरोधात घोषणा देण्यात आल्या. या लाठीचार्जचे आदेश कोणी दिले? याची पूर्णपणे सखोल चौकशी व्हावी. व संबंधित आदेश देणाऱ्यांवर कारवाई व्हावी अशी मागणी यावेळी करण्यात आली.
जालन्यातील अंतरवली सराटी येथील मराठा समाजातील आंदोलकांवर झालेले लाठीचार्जचे महाराष्ट्रात विविध भागात पडसाद उमटत आहेत.