Chinchwad : शहर पोलिसांचे कोंबींग ऑपरेशन; गुन्हेगारांची धरपकड

पंतप्रधान मोदी शहरात येणार असल्याने पुणे पोलिसांनी वाहतुकीत मोठे बदल केले होते. पिंपरी- चिंचवड पोलिसांनी देखील खबरदारीचे उपाय म्हणून गुन्हेगारांच्या हालचालींवर ‘वॉच’ ठेवला होता. शहरातील सर्व लॉजेस चेक करण्यात आले. लॉजमध्ये कोण, कधी आणि कशासाठी थांबले आहे, याबाबत चौकशी करण्यात आली.

मध्यरात्री अचानक नाकाबंदी लावून संशयित वाहनांची तपासणी केली. पंतप्रधान मोदींच्या विरोधात भूमिका मांडणाऱ्या वेगवेगळ्या संघटनांच्या 38 पदाधिकाऱ्यांना मंगळवारी सकाळी लवकरच ताब्यात घेण्यात आले. पंतप्रधानांचा ताफा शहरातून बाहेर पडल्यानंतर संबंधित पदाधिकाऱ्यांची ठाण्यातून सुटका करण्यात आली.

पंतप्रधान नरेंद्र मोदी यांच्या पुणे दौऱ्याच्या पार्श्वभूमीवर सोमवारी रात्री पिंपरी-चिंचवड शहरात ऑल आउट मिशन, कोंबींग ऑपरेशन आणि अचानक नाकाबंदी लावण्यात आली. यासाठी एक अप्पर पोलीस आयुक्त, तीन उपायुक्त, चार सहाय्यक आयुक्त दर्जाचे अधिकारी रस्त्यावर होते. याव्यतिरिक्त 89 वरिष्ठ अधिकारी, 432 अंमलदार आणि 44 होमगार्ड, असा मोठा फौजफाटा तैनात (Chinchwad ) करण्यात आला होता.