Chinchwad : न घेतलेल्या कर्जाची परतफेड करण्याची मागणी करत महिलेची बदनामी
एमपीसी न्यूज – कधीही न घेतलेले कर्ज फेडण्याची मागणी करत अज्ञातांनी महिलेचे अश्लील फोटो बनवून ते तिच्या संपर्कातील लोकांना पाठवून तिची बदनामी केली. ही घटना 22 जुलै ते 12 सप्टेंबर या कालावधीत चिंचवडगाव येथे घडली.
याप्रकरणी पिडीत महिलेने चिंचवड पोलीस ठाण्यात फिर्याद दिली आहे. त्यानुसार 79969544396, 8801617610382, 8801939830489, 8801708787713 क्रमांक धारकाच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपींनी वेगवेगळ्या मोबाईल क्रमांकावरून फोन करत तसेच मेसेज करत फिर्यादीने कधीही न घेतलेले कर्ज फेडण्याची धमकी दिली. फिर्यादी यांच्या चेहऱ्याचा फोटोचा वापर करून आरोपींनी अश्लील फोटो बनवले. ते फोटो फिर्यादी यांच्या संपर्कातील लोकांना पाठवून फिर्यादीची बदनामी केली असल्याचे फिर्यादीत म्हटले आहे. चिंचवड पोलीस तपास करीत आहेत.