Himachal Pradesh : हिमाचल प्रदेशमध्ये ढगफुटीमुळे हाहाकार

एमपीसी न्यूज – अतिवृष्टीमुळे हिमाचल प्रदेशातील कुल्लू येथे गुरुवारी झालेल्या पावसामुळे (Himachal Pradesh)  अनेक बहुमजली इमारती पत्त्यांच्या बंगल्याप्रमाणे कोसळल्या.इमारती कोसळल्याचा व्हिडीओदेखील सोशल मीडियावर व्हायरल होत आहे.कुल्लू येथील नवीन बसस्थानकाजवळ नुकतीच एक मोठी नैसर्गिक दुर्घटना घडली आहे.

संततधार पाऊस आणि ताज्या भूस्खलनामुळे हिमाचल प्रदेशातील कुल्लू येथे गुरुवारी झालेल्या पावसामुळे अनेक बहुमजली इमारती पत्त्यांच्या बंगल्याप्रमाणे कोसळल्या . अवघ्या काहीच सेकंदात या भागातल्या 7 इमारती एकामागून एक कोसळल्या.सततच्या पावसामुळे या इमारतींना भेगा पडल्या होत्या. त्यामुळे प्रशासनाने तीन दिवसांपूर्वीच या इमारती रिकाम्या केल्या होत्या. 

हिमाचल प्रदेशात मुसळधार पावसाचा कहर सुरूच आहे. राज्याची राजधानी शिमल्यामध्ये 2017 मिमीपेक्षा जास्त पावसाची नोंद झाली असून पावसाने 122 वर्षांचा विक्रम मोडित काढला आहे. हिमाचल प्रदेशमधील मंडी, शिमला आणि सोलानमध्ये गेल्या 24 तासांत ढगफुटीच्या 4 घटना घडल्या आहेत.राज्यातले तीन राष्ट्रीय महमार्ग आणि 538  रस्ते पावसामुळे बंद आहेत.