Maval Loksabha Election : ‘जो राम को लाये है, हम उनको लायेंगे’ च्या घोषणांमध्ये उत्तर भारतीयांचा बारणे यांना पाठिंबा
एमपीसी न्यूज – ‘जो राम को लाये है, हम उनको लायेंगे’, ‘जय श्रीराम, जय जय श्रीराम’च्या घोषणांनी सभागृह दणाणून सोडत उत्तर भारतीयांनी मावळ लोकसभा मतदारसंघातील शिवसेना- भाजप- राष्ट्रवादी- मनसे- आरपीआय- रासप- मित्रपक्ष महायुतीचे उमेदवार खासदार श्रीरंग बारणे यांना पाठिंबा जाहीर(Maval Loksabha Election) केला.
खासदार बारणे यांच्या प्रचारार्थ खारघर येथे उत्तर भारतीयांच्या संमेलनाचे आयोजन करण्यात आले होते. व्यासपीठावर आमदार प्रशांत ठाकूर, भाजपाच्या उत्तर भारतीय मोर्चाचे अध्यक्ष डॉ. संजय पांडे, सरचिटणीस चिराग गुप्ता, भाजपचे क्लस्टर प्रमुख बाळासाहेब पाटील, भाजपाचे जिल्हाध्यक्ष अविनाश कोळी, शिवसेनेचे जिल्हाप्रमुख रामदास शेवाळे तसेच नितीन पाटील, संतोष शर्मा, प्रदीप शुक्ला, आर. के. त्रिपाठी, इंदू दुबे, शैलेश सिंग, विनोद उपाध्याय, संतोष दीदी, सुमित सहाय आदी मान्यवर उपस्थित होते. पनवेल विधानसभा मतदारसंघातील उत्तर भारतीय यावेळी मोठ्या संख्येने उपस्थित होते.
उद्धव ठाकरे बहुरूपी तर श्रीरंग बारणे कट्टर शिवसैनिक – डॉ. संजय पांडे
विरोधक डोळ्यांवर काळी पट्टी बांधत असतील तर त्यांना गेल्या दहा वर्षात झालेल्या विकास कसा दिसणार, असा सवाल बारणे यांनी केला. पनवेल परिसराचा पाणी प्रश्न येत्या दोन-तीन महिन्यात सुटलेला असेल, असेही त्यांनी सांगितले.