Pune : लॉयला करंडक फुटबॉल स्पर्धेत लॉयला प्रशाला दोन वयोगटातून तर हॅचिंग्ज एका गटातून उपांत्य फेरीत
एमपीसी न्यूज – टाटा ऑटोकॉम्प आंतरशालेय लॉयला करंडक फुटबॉल ( Pune) स्पर्धेत लॉयला प्रशाला संघाने बुधवारी दोन वयोगटातून, एतर हॅचिंग्जने एका गटातून उपांत्य फेरीत प्रवेश केला.
लॉयला माजी विद्यार्थी संघटनेच्या वतीने या स्पर्धेचे आयोजन लॉयला प्रशालेच्या मैदानावर करण्यात आले आहे. लॉयला प्रशाला संघाने 12आणि 14 वर्षांखालील गटातून उपांत्य फेरी गाठली. हॅचिंग्जने 14 वर्षांखालील गटात आपली आगेकूच कायम राखली.
लॉयला प्रशाला संघाने आरव इंगळे (32 वे मिनिट) आणि शौन आंग्रे (40 वे मिनिट) यांनी नोंदवलेल्या गोलच्या जोरावर विद्या व्हॅली प्रशालाचा संघाचा 2-0 असा पराभव केला. या गटातून यापूर्वी सेंट व्हिन्सेंट, हॅचिंग्ज आणि बिशप्स प्रशाला संघांनी उपांत्य फेरी गाठली आहे.
Chinchwad : ताथवडे-रावेत भागातील रस्ते दुरुस्त करा; भाजप शहराध्यक्ष शंकर जगताप यांची मागणी
लॉयला प्रशाला संघाने 14 वर्षांखालील गटात विद्या व्हॅली प्रशालेचाच 3-0 असा पराभव केला. लॉयलाकडून डीन अॅन्थोनी, खारांशु गजरे, आयुष चव्हाण यांनी गोल केले.
हॅचिंग्जने 14 वर्षांखालील गटात कल्याणी प्रशालेचे आव्हान 3-1 असे संपुष्टात आणले. कल्याणी प्रशालेने आर्यन मुळ्येच्या 30 व्या मिनिटाच्या गोलने आघाडी मिळवली होती. मात्र, त्यानंतर ( Pune) परम राठोडच्या (38 वे, 43 वे मिनिट) दोन आणि काश्विक गवळीच्या (50 वे मिनिट) गोलने हॅचिंग्जने विजय मिळविला.