Pimpri : न्यू सिटी प्राईड इंग्लिश मिडियम स्कूल मध्ये शाहू महाराजांना अभिवादन

यावेळी सामाजिक कार्यकर्ते तात्या शिंनगारे तसेच शाळेच्या मुख्याध्यापिका नाझमीन शेख व उपमुख्याध्यापक सचिन कळसाईत तसेच  विद्यार्थी, शिक्षक व शिक्षकेतर कर्मचारी उपस्थित होते.

इयत्ता पाचवीचा विद्यार्थी विश्वजीत काटे याने शाहू महाराज यांच्या जीवनावरती पोवाडा गायला, तसेच प्रियंका शहाबादे व प्रज्ञा शिरोडकर यांनी शाहू महाराजांविषयी माहिती सांगितली,उपस्थितांना मार्गदर्शन करताना अरुण चाबुकस्वार म्हणाले; माणसांवर माणूस म्हणून प्रेम करणारे शाहू महाराज हे मोठ्या मनाचे राजे होते, सर्वसामान्य माणसाला राज्यात मान व विद्वान तसेच जगात सन्मान व कलाकार व विद्वानांना जगभरात स्थान देऊन महाराजांनी  सर्वांना सन्मान मिळवून दिला.

अन्याच्या विरुद्ध झगडणारा पण वंचितांचे दुःख पाहून अश्रू ढळणारा दिन – दुबळ्यांच्या दुःखावर मायेची फुंकर घालणारा आणि समाजाच्या उन्नतीसाठी धडपडणारा जनतेचा लोकाभिमुख राजा, राजश्री शाहू महाराज यांचे कार्य व कर्तुत्वाची माहिती संस्थापक अरुण चाबुकस्वार यांनी दिली.

कार्यक्रमाचे सूत्रसंचालन निशा पवार यांनी केले व आभार प्रदर्शन उर्मिला ठोंबरे – घोगरे यांनी केले.