Today’s Horoscope 08 January 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 08 January 2023 – जाणून घ्या आजचे राशिभविष्य
वार – रविवार.
08-01-2023
शुभाशुभ विचार- सामान्य दिवस.
आज विशेष- सामान्य दिवस.
राहू काळ – संध्याकाळी ४.३० ते ६.००.
दिशा शूल – पश्चिमेस असेल.
आजचे नक्षत्र – पुष्य.
चंद्र राशी – कर्क.
—————————————-
मेष – ( शुभ रंग- राखाडी)
पूर्वी कामाच्या व्यापात रखडलेल्या घरगुती कामात आज लक्ष घालावेच लागेल. आज कुटुंबीयांना आपला जास्तीत जास्त वेळ देण्याचा तुम्ही प्रयत्न कराल.
वृषभ (शुभ रंग- मोतिया )
आजचा तुमचा जास्तीत जास्त वेळ घराबाहेरच जाईल. महत्त्वाच्या कार्यालयीन कामासाठी भटकंती होईल. आज गृहिणींचा शेजारी सलोखा वाढेल. घराबाहेर वादविवाद टाळा.
मिथुन ( शुभ रंग- हिरवा )
कार्यक्षेत्रात तुमचे वक्तृत्व गुण कमी येतील. गोड बोलून आज तुम्ही तुमच्या विरोधकांनाही आपली मते पटवून देऊ शकाल. आज आर्थिक बाजू भक्कम असेल. शेजाऱ्यांशी खटकण्याची शक्यता.
कर्क (शुभ रंग- पांढरा )
आज तुमची तब्येत काहीशी नरमच असेल. मन हळवे करणारा एखादा प्रसंग घडेल. जशास तसे या धोरणाने वागा. ऐकावे जनाचे व करावे मनाचे या तत्त्वाने वागा. दूरच्या प्रवासात खोळंबा होईल.
सिंह (शुभ रंग- मोरपंखी )
आज तुम्हाला काही अत्यावश्यक देणी चुकवावी लागणार आहेत. दूरच्या प्रवासात मौल्यवान ऐवज सांभाळा. फार सडेतोड बोलल्याने काही हितचिंतक दुरावतील. गोड बोलून आज स्वार्थ साधून घेणे हिताचे राहील.
Alandi News : पौष पौर्णिमेच्या निमित्ताने खंडोबा देवाचा लग्न सोहळा उत्साहात
कन्या ( शुभ रंग- चंदेरी )
आज तुम्ही जसे चिंताल तसे होईल. आज तुमच्यासाठी इच्छापूर्तीचा दिवस असून तुमच्या काही अपुऱ्या इच्छा पूर्ण होतील. काही रखडलेले उपक्रम मार्गी लागतील. छान दिवस.
तूळ ( शुभ रंग- निळा )
उद्योगधंद्याच्या दृष्टीने अनुकूल दिवस असून नोकरीत वरिष्ठांचे सहकार्य राहील. अधिकार योग चालून येतील. हाताखालचे लोक आदबीने वागतील आज तुम्ही म्हणाल ती पूर्व.
वृश्चिक (शुभ रंग- क्रीम )
आज अति आक्रमकता नुकसानास कारणीभूत ठरेल. महत्त्वाच्या घरगुती प्रश्नात वडीलधाऱ्यांचे मत आज अवश्य घ्या. कायद्याची चौकट मोडू नका. अडचणीत याल. वाहतुकीचे नियम पाळा.
धनु- (शुभ रंग- डाळिंबी )
नवीन ओळखीत लगेच विश्वास टाकू नका. आज मित्रही तुम्हाला दगा देतील. कार्यक्षेत्रात ही सावधगिरीने पावले टाकावी लागतील. गाडी चालवताना स्टंट नकोत. आपल्या सुरक्षेची काळजी घ्या.
मकर ( शुभ रंग- पिस्ता )
व्यवसायात आज तुम्ही वाढत्या स्पर्धेचा सामना करण्यासाठी सज्ज असाल. वादविवादात आपलीच मते इतरांवर लादू शकाल. आज वैवाहिक जीवनात गोडी गुलाबी असेल.
कुंभ (शुभ रंग – सोनेरी )
काही जुने आजार डोके वर काढण्याची शक्यता आहे. ज्येष्ठ मंडळींना काही आरोग्य विषयक चाचण्या करून घ्याव्या लागतील. खाण्यापिण्यावर ताबा गरजेचा आहे. विद्यार्थ्यांना स्पर्धेत यश मिळेल.
मीन -(शुभ रंग – जांभळा )
आज उच्च राहणी व उच्च विचारसरणी असे तुमचे धोरण राहील. आपल्या व्यक्तिमत्व विकासावर भर द्याल. गृहिणी आज पार्लर साठी आवर्जून वेळ काढतील. आज सहकुटुंब चैन कराल.
शुभम भवतु.
श्री जयंत कुलकर्णी.
ज्योतिष व वास्तु सल्लागार.
संपर्क 9689165424